Дядя Горгудун мязар йери щаггында

Abidənin 1300 illik yubileyinin beynəlxalq səviyyədə qeyd olunması yeni araşdırmalara və nəşr­lərə təkan verdi və müxtəlif səpkili əsərlər elmi dövriyyəyə daxil oldu. Bu sırada “Dədə Qorqud” lü­ğətlərinin, “Kitabi-Dədə Qorqud” ensiklopediyasının (23), lüğətlərin (6; 9) və çoxsaylı araşdır­mala­rın xüsusi əhəmiyyəti qeyd olunmalıdır .

“Kitabi-Dədə Qorqud” Azərbaycan xalqının ulu abidəsidir, millətin müqəddəs mənəviyyat kitabı­dır. On il öncə bu ulu kitabın 1300 illik yubileyini Milli Öndər Heydər Əliyev milli bayram kimi sə­ciyyələndirib: “Bu gün Azər­baycan xalqı möhtəşəm “Kitabi-Dədə Qorqud” eposunun 1300 illiyini bö­yük bayram kimi təntənə ilə qeyd edir. Bu yubiley bizim üçün, bütün türk dünyası üçün, bəşər mə­də­niyyəti üçün müstəsna əhəmiyyəti olan tarixi bir hadisədir. Bu, bizim tarixi köklərimizə, milli ənə­nə­lərimizə, milli-mənəvi dəyər­lərimizə, mədəniyyətimizə, elmimizə, xalqımızın çoxəsrlik tarixinə olan hörmət, ehtiram bayramıdır. Bu, bizim milli azadlığımızın, dövlət müstəqilliyimizin bayramıdır”.

“Kitabi-Dədə Qorqud”u bütün türk xalqlarının böyük tarixi-mədəni abidəsi kimi dəyərləndirən Milli Öndər bunu xüsusi olaraq vurğulayırdı: “Azərbaycan xalqının, bütün türkdilli xalqların böyük tarixi abidəsi olan “Kitabi-Dədə Qorqud” 1300 ildir ki yaşayır. Əgər 1300 ildən də öncə “Kitabi-Dədə Qorqud” dastanlarının yaranması üçün xalqlarımızın nə qədər calışdığını və nəhayət, bu tarixi abidəni yaratdığını nəzərə alsaq, onda təsəvvür edə bilərik ki, bizim xalq­larımızın nə qədər qədim tarixi, dərin kökləri və nə qədər zəngin mədəniyyəti vardır”.

“Kitabi-Dədə Qorqud”u xalqın tükənməz mənəvi qidası kimi qiymət­ləndirən Milli Öndər deyirdi: “1300 il ərzində “Kitabi-Dədə Qorqud” bütün çətinliklərə, məhdudiyyətlərə baxmayaraq, 1300 il ər­zində bizim xalqla­rı­mıza mənəvi qida olmuş, onların yaşamasına, mübarizə aparmasına, öz milli mən­liyini dərk edib, hifz etməsinə daim yardım göstərmişdir”.