Дядя Горгудун мязар йери щаггында

Milli Öndər bu kitabı sülh və barışa dəvət edən mənəvi qaynaq olaraq səciyyələndirir: “Kitabi-Dədə Qorqud” insanları, xalqları sülhə, barışa dəvət edibdir. Bizim xalqımız bu gün “Kitabi-Dədə Qorqud”un bu vəsiyyətlərinə sadiqdir”.

Milli Öndər bu kitabı elmi, mədəni və mənəvi fikirlər abidəsi adlandırır: “Kitabi Dədə Qorqud” özündə böyük elmi, mədəni, mənəvi fikirlər cəmləşdirən abidədir”.

Milli Öndər abidənin tədqiqi perspektivlərini və prioritet istiqamətlərini də göstərir:

“İndiyə qədər “ Kitabi Dədə Qorqud”un öyrənilməsi və bu günkü nəsillərə çatdırılması yolunda xeyli iş görülübdür. Xüsusən, son üç il ərzində yubiley komissiyasının üzvləri, Azərbaycanın alimləri, tədqiqatçıları, yazıçıları, ictimai xadimləri tərəfindən görülən işlər yüksək qiymətə malikdir. Ona görə də bu gün, bu yubiley günü mən “Kitabi Dədə Qorqud”un tədqiqi, təbliği ilə məşğul olmuş və bu yu­bi­ley mərasimlərinə çox dəyərli elmi əsərlər, kitablar hazırlamış alimlərimizə, yazıçılarımıza, bütün vətəndaşlarımıza təşəkkür edirəm. Əmin olduğumu bildirmək istəyirəm ki, onlar bu yubiley tədbir­lərindən ruhlanaraq öz elmi işlərini bundan sonra da davam etdirəcəklər. “Kitabi-Dədə Qorqud” das­tanının hələ açılmayan səhifələri, hələ bu günə qədər məlum olmayan fi­kirləri bundan sonra aşkar ediləcək, Azərbaycan xalqının bugünkü və gələcək nə­sillərinə və bütün türk dünyasına çatdırı­la­caqdır”.

Milli Öndər abidənin yubileyinin qeyd olunmasının əhəmiyyətini milli priz­madan dəyərləndirir: “Kitabi-Dədə Qorqud” yubileyinin ən böyük mənası, əhəmiyyəti ondan ibarətdir ki, bu bizim milli azadlığımızı, dövlət müs­tə­qilliyimizi, sərbəstliyimizi bir daha nümayiş etdirir. “Kitabi-Dədə Qor­qud” vəsiyyətləri bizə deyir ki, daim müstəqillik yolu ilə getmək, Azər­baycanın milli azadlığını və dövlət müstəqilliyini əbədi etmək bizim hər biri­mizin qarşısında duran ali məqsəddir”.

“Kitabi-Dədə Qorqud” üzərində aparılan araşdırmalar aşağıdakı istiqamətləri əhatə edir: