Дядя Горгудун мязар йери щаггында

VII BOY. “QAZILIQ QOCA OĞLI DƏLI DOMRUL BOYUNU BƏYAN EDƏR, XANIM HEY! İslam dininin abidəyə təsiri bu boyda da yetərincə verilmişdir. Bu boyda Allahın, Əzrayılın adları çəkilir. Oğuz igidlərindən Dəli Domrul bir gün obada ölmüş oğlanın niyə öldüyünü soruşur və ona dedilər: “Valah, bəg yigit, Allah Taaladan buyruq oldı. Al qanatlu Əzrayil ol yigidin nə kişidir kim, adamın canın alur?” (4, 95).
VIII BOY. “BASAT DƏPƏGÖZI ÖLDÜRDÜĞI BOYU BƏYAN EDƏR, XANIM HEY!”. Bu boyda dinin əsası olan Kəlmeyi-şəhadətə xüsusi yer verilmişdir. Misal olaraq, Basat Təpəgözün tələsindən qurtulmaq üçün: “La ilahə illallah, Məhəmməd rəsullallah” – deyir (4, 131). Peyğəmbərə salavat verilir:
“Basat əlinə aldı. Adı görklü Məhəmmədə salavat gətürdi.” Tanrının gücünə inam nümayiş et­di­ri­lir: “Aydır: “ Oğlan qurtuldunmı?” Basat aydır: “Tanrım qurtardı” (4, 130). Boyun sonunda Məhəm­məd peyğəmbərin Mustafa adı çəkilir: Ölüm vaqtı gəldügində arı imandan ayırmasun! Günahınızı adə görklü Məhəmməd Mustafaya bağışlasun, xanım,hey” ! (4, 130).
IX BOY. “BƏKİL OĞLI ƏMRANIN BOYINI BƏYAN EDƏR”
Abidənin “Bəkil oğlı Əmran boyu”nda “aləmləri yoxdan var edən Allah” kafirlərlə vuruşan Əm­rana Cəbrayıl vasitəsilə qırx ər gücü verir: “Haq Taala Cəbrayilə buyurdu kim”: “Ya Cəbrayil, var, şol quluma qırq ərcə qüvvət verdim”, - dedi (4, 143).
Bu boy da Allahın və Məhəmməd peyğəmbərin(s.a.s) adı ilə bitir:
“Yum verəyin, xanım!
Yürlü qara dağların yığılmasun!
Kölgəlicə daha ağacın kəsilməsün!
Allah verən ümidin üzülməsün!
Günahınızı adi görklü Məhəmmədə bağışlasun, xanım, hey”! (4, 144).
X BOY. “UŞUN QOCA OĞLI SƏĞRƏK BOYINI BƏYAN EDƏR”
Bu boyda da ənənəvi olaraq Allahın Qadir adı çəkilir: “Qadir Tanrı yol vermiş” (4, 146)
Dastanda oğuzlar da İslamı qəbul edib peyğəmbərə (s.a.s.) iman gətirdikləri üçün bütün əməl­lə­rin­də Allahdan sonra məhz bu müqəddəs şəxsə arxalanırlar. Abidənin on iki boyundan on birinin so­nun­da işlənən “Günahınuzı Məhəmməd Mustafa yüzi suyına bağışlasun” (4, 153) duaları ilə bitir.