Дунё океани деб нимага айтилади?

Магматик тоғ жинсларининг алоҳидалиги нима?

Алоҳидалик. Алоҳидалик – бу тоғ жинсларининг табиий ва сунъий парчаланишида блоклар, харсанглар ва бўлаклар шаклида бўлиниб ке-тишидир. Унинг шакли чегараловчи дарзликларнинг мўлжали ва кенглиги билан белгиланади; ўлчамлари турлича бўлади. Магматик жинсларда лава ва магма таналарнинг совиши ва сиқилишида вужудга келган призматик (устунсимон), шарсимон, плитали алоҳидалик ривожланган бўлади. Базальтларда ёстиқсимон ёки кўпбурчакли устунсимон ажралиш кузатилиши мумкин

8. 
   Ўта асосли тоғ жинслари деб қандай тоғ жинсларига айтилади?
   

ЎТА АСОСЛИ ТОҒ ЖИНСЛАР. (ультрабазитлар, гипербазитлар) — магматик жинслар, таркибида дала шпати бўлмаган, кремнезём кам, магний ва темир кўп бўлган магматик тоғ жинслари. Ўта асосли тоғ жинсларда оливин ва пироксенлар асосий жинс ҳосил қилувчи минераллардир. Ўта асосли тоғ жинслари офиолитларни ташкил қилади ҳамда океан типидаги Ер пўстининг таркибига киради. Ўта асосли тоғ жинслари билан никель, кобальт, хромит, платина рудалари, тальк, магнезит ва асбест конлари боғлиқ. Ўтаасосли жинсларнинг ранги қора

9. 
   Асосли тоғ жинсларидеб қандай тоғ жинсларига айтилади?
   

АСОСЛИ TOF ЖИНСЛАРИ — магматик жинслар. Кремний оксиди билан тўйинмаган ва таркибида кварц бўлмаган жинслар. Асосли toғ жинсларида кремний оксиди 50 — 55% дан ортмайди. Нордон тоғ жинсларига нисбатан калий, натрий кам, темир, кальций, магний эса кўп. Минерал таркибида асосли плагиоклазлар кўпроқ, ортоклаз, микроклин эса кам. Бундай жинсларга габбро, базальт, диабаз киради. Асосли toғ жинслари ранги – тўқ кулранг.

10. 
    Ўрта тоғ жинслари деб қандай тоғ жинсларига айтилади?
    

ЎРТА ТОҒ ЖИНСЛАРИ — таркибида 56—65% кремнезём бўлган, нордон ва асосли тоғ жинслари ўртасидаги магматик тоғ жинслари. Ўрта тоғ жинсларига асосан, таркибида озроқ темир магнезиалли минераллар бўлган дала шпатлари киради. Ўрта тоғ жинслари орасида моддий таркиби бўйича натрийли (диоритлар, андезитлар ва порфиритлар) ва калийли (сиенитлар ва трахитлар) қаторлари фарқланади. Ўрта тоғ жинслари, асосан, эффузив жинслар орасида тарқалган, уларда андезит ва порфиритлар трахит ва порфиритлардан кўра кўпроқ, интрузив жинслар (диорит, сиенит) нисбатан камроқ тарқалган бўлади. ЎРТА ТОҒ ЖИНСЛАРИ ранги - кулранг

11.