Дунё океани деб нимага айтилади?

Стратиграфик устун қандай бирликлардан иборат?

Геологик кесма деб нимага айтилади?

Геологик кесма элементлари нималардан иборат?

Миқёс деб нимага айтилади?

Шартли белгилар деганда нима тушинилади?

Геологик шартли белгилар ва уларнинг турлари?

Геологик хариталарда рангли шартли белгилар нимани акс эттиради?


Якуний назорат саволллари (2 семестр)

1. 
   Магматик тоғ жинсларига таъриф беринг?
   

Магматик жинслар магманинг совиши натижасида ҳосил бўлади. Магманинг совишида қаттиқ минерал компонентлар кетма-кет кристалланади. Бунда босим, ҳарорат ва ундаги минерализаторлар - сув буғлари, карбонат ангидрит ва б. жуда катта аҳамиятга эга.

2. 
   Магматик тоғ жинслари таркибидаги SiO₂миқдори бўйича нечта турга бўлинади ва улар қайсилар?
   

Магматик жинслар SiO2 миқдори бўйича ўтаасосли, асосли, ўрта, нордон ва ўтанордон турларга бўлинади. Ўтаасосли жинсларда кремнезём SiO2 миқдори <45% бўлади. Асосли жинсларда бу кўрсаткич SiO2 = 45-52% ни, ўрта жинсларда SiO2 = 5265% ни, нордон жинсларда SiO2 = 65-70% ни ва ўтанордон жинсларда эса SiO2 >75% ни ташкил этади.

3. 
   Магматик тоғ жинслари ҳосил бўлиш шароитига кўра турлари?
   

Магматик жинслар ҳосил бўлиш шароитларига боғлиқ ҳолда чуқур (интрузив), отқинди (эффузив) ва яримучуқур (гипабиссал) турларга бўлинади

4. 
   Магматик тоғ жинсларининг асосий хоссалари?
   

Магматик жинсларнинг асосий хоссаларига ранги, структураси, текстураси ва алоҳидалиги киради.

5. 
   Магматик тоғ жинслари структураси деб нимага айтилади?
   

Магматик жинсларнинг структураси. Тоғ жинсларининг структураси таркибий қисмларининг ўлчами, шакли ва ўзаро нисбати билан ифодаланади.Магма жинсларнинг тузилишига структура деб айтилади. Бу эса
қуйидаги белгиларга асосланади:
а) кристалланиш даражаси;
б) минерал доналарнинг катта-кичиклиги;
д) минераллар донасининг шакли;
э) минералларнинг бир-бирига бўлган муносабати;
ф) кристалларнинг етилганлик (идиоморфизм) даражаси.Кристалланиш даражасига қараб структура уч хил бўлади: тола кристалланган (жинс фақат кристалл доналаридан ташкил топган); чала кристалланган (кристалланган доналар билан ойна бирга учрайди) ва ойнасимон (жинс фақат ойнадан иборат).
Кристалларининг нисбий катталиги бўйича тўлиқ кристалли структура тенг донали ва аралаш донали бўлади.
Тенг донали структурада тоғ жинслари таркибига кирувчи кристаллар тахминан бир хил ўлчамга эга бўлади. Кристалларнинг ўлчамига боғлиқ ҳолда у йирик донали (кристаллар ўлчами 5 мм дан катта), ўрта донали (5-3 мм) ва майда донали (3 мм дан кичик) бўлиши мумкин. Бундай структура чуқурлик (абиссал) жинсларига хос бўлади.
Турли донали структура тоғ жинсларида минерал массаларнинг нотекис тарқалганлиги билан ифодаланади. Бунда порфирсимон ва пегматитли структуралар ажратилади.
Порфирсимон структура икки ўлчамдаги турли кристаллардан тузилган жинслар учун характерли бўлиб, асосий массада йирик кристаллар орасида майда ўлчамдаги кристаллар жойлашган бўлади.
Пегматитли структура тоғ жинсларида муайян минерал кристалли танасида бошқа минерал кристалли тўғри мўлжаллан-ганлиги билан характерланади. Бунда иккала минералнинг кристаллари бир-бирини ўстиради. Бу структура субвулканик ва томирли жинслар учун хос бўлади.
Чала кристалли (порфирли) структура кристаллар ва вулканик шишадан таркиб топган тоғ жинсларига хос бўлиб, уларда асосий шишасимон ёки яширин кристалли масса орасида ажралиб чиққан анча миқдордаги муайян минералларнинг яхши ифодаланган кристаллари турли миқдорий нисбатларда мавжуд бўлади.
Шишасимон структура аморф, кристалланмаган тоғ жинслари учун характерли. Тоғ жинсларида бундай структура шишасимон ту­зилишли (вулканик шиша) зич ёки ғовакли массадан иборат бўлади. Улар шишасимон ялтироқлиги ва чиғаноқсимон синиши билан фарқ қилади. Бундай структура эффузив жинслар учун характерли бўлади

6.