Дунё океани деб нимага айтилади?

Гранитлар қандай тоғ жинслари?

Гранит – табиатда кенг тарқалган 65 - 75% SiO2 га эга нордон жинсдир. Гранитнинг ранги пушти, қизғиш, оч кулранг, сариқсимон ва б. бўлади. Структураси тўлиқ, бир текис кристалли, ўрта ва йирик донали, текстураси яхлит (83-расм). Қатламли матрацасимон, устунсимон ва параллелепипедли алоҳидалик хос бўлади.
Унинг минерал таркибига калийли дала шпати (ортоклаз, микроклин) ёки миқдори 40 дан 60% гача нордон плагиоклаз, 20 дан 40% гача кварц ва 5 дан 20% гача қора рангли минераллар (биотит, роговая обманка) киради (84-расм). Баъзан эпидот, турмалин ва гранатлар учрайди. Одатда батолитлар, штоклар, баъзан дайкалар, лакколитлар ва томирлар шаклида учрайди. Гранит бино ва иморатларнинг ташқи безаги ҳамда скульптура ишларида фойдаланилади. Гранит таналари билан турли қимматбаҳо металларнинг (қалай, вольфрам, молибден, қўрғошин, рух ва б.) конлари боғлиқ. Гранитнинг бир неча турлари мавжуд. Рапакиви – ортоклазнинг йирик кристалларига эга биотит-роговообманкали гранит. Чарнокит - токембрий ёшидаги гранитлар орасида кўплаб учрайдиган гиперстенли гранит. Аляскитлар - плагиоклаз миқдорига нисбатан калийли дала шпатларининг миқдори юқори бўлиши характерли; амалда қора рангли минераллар учрамайди, агар биотит учраса, унинг миқдори ҳар доим 5% дан кам; кварц жинс ҳажмининг 35-40% ни ташкил этади. Плагиогранитлар - гранитдан фарқли ўлароқ амалда калийли дала шпатлари бўлмайди; унинг таркибига нордон плагиоклаз, кварц, роговая обманка киради

13. 
    Гранодиоритлар қандай тоғ жинслари?
    

Интрузив жинсларнинг нордонларидан ўрта таркибдагиларига қараб оралиқ турлари ажратилади. Уларга гранодиорит, тоналит, граносиенит киради. Бу жинснинг ранги оч кулранг, кулранг, структураси йирик ва ўрта донали, яхши кристалланган. У кварцдан (20-25%), калийли дала шпатидан (20-25%), плагиоклаздан (45-50%) ва қора рангли минераллардан (15-20%) таркиб топган. Плагиоклазлар андезиндан, қора рангли минераллар эса роговая обманка ва биотитдан иборат бўлади. Гранодиорит гранитдан олигоклаз эмас, балки андезиндан таркиб топганлиги билан фарқ қилади ва у ҳар доим калийли дала шпатидан кўп бўлади; кварц миқдори 20% атрофида; қора рангли минераллардан биотит ва роговая обманка учрайди.

14.