Диссертация мавзусининг долзарблиги ва зарурати. Жаҳон

Диссертация тадқиқотининг олий таълим муассасаси илмий тадқиқот ишлари режалари билан боғлиқлиги. Диссертация иши Фарғона политехника институтининг «Ишлаб чиқаришни диверсификациялаш ва модернизация қилиш шароитида саноат корхоналарининг рақобатбардошлигини оширишни тадқиқ қилиш, бошқаришнинг самарадор услуб ва технологияларини яратиш ҳамда такомиллаштириш» мавзусидаги илмий тадқиқот ишлари режаларига мувофиқ бажарилган.
Тадқиқотнинг мақсади миллий иқтисодиётни инновацион-инвестицион ривожлантириш асосида барқарор иқтисодий ўсишни таъминлаш юзасидан илмий-назарий таклиф ва амалий тавсиялар ишлаб чиқишдан иборат.
Тадқиқотнинг вазифалари:
инновацион-инвестицион ривожланиш асосида барқарор иқтисодий ўсишни таъминлашга бағишланган илмий ёндашувлар, хорижий тажрибаларни ўрганиш, таҳлил қилиш, таққослаш ва улардан республикада фойдаланиш бўйича таклифлар ишлаб чиқиш;
республика иқтисодиётига инвестициялар жалб этишнинг замонавий тенденциялари ва ривожланиш муаммоларини саноат тармоғи мисолида аниқлаш ҳамда уларни ҳал этиш юзасидан таклифлар киритиш;
барқарор иқтисодий ўсишни таъминлашда инновацион-инвестицион ривожланиш омилининг таъсирини баҳолаш;
кластерлаш орқали иқтисодиёт тармоқлари инвестицион жозибадорлигини ошириш ва жалб қилинган инвестициялардан самарали фойдаланиш йўлларини асослаш;
республика иқтисодиёти инновацион-инвестицион ривожланишини жадаллаштиришнинг ташкилий-иқтисодий механизмини такомиллаштириш юзасидан илмий таклиф ва амалий тавсиялар бериш;
миллий иқтисодиётнинг инновацион-инвестицион ривожланишини эконометрик моделлаштириш ва 2019-2023 йилларга мўлжалланган вариантли прогнозларини ишлаб чиқиш.
Тадқиқотнинг объекти сифатида республика саноатининг инновацион-инвестицион ривожланиш тенденциялари ва унинг иқтисодий ўсишга таъсири жараёнлари олинган.
Тадқиқотнинг предмети миллий иқтисодиётни инновацион-инвес тицион ривожлантириш асосида барқарор иқтисодий ўсишни таъминлаш билан боғлиқ иқтисодий муносабатлар ҳисобланади.