Диссертация мавзусининг долзарблиги ва зарурати. Жаҳон

Тадқиқотнинг усуллари. Тадқиқот давомида мантиқий ва таққослама таҳлил, индукция ва дедукция, статистик гуруҳлаш, иқтисодий ҳодиса ва жараёнларга тизимли ёндашув, кластер, эконометрик моделлаштириш ва прогнозлаш усулларидан фойдаланилган.
Тадқиқотнинг илмий янгилиги қуйидагилардан иборат:
миллий ишлаб чиқаришнинг ўсишига инновацион унсурлар таъсири ва тармоқлараро ўзаро таъсир самарадорлигини баҳолашнинг омилли таҳлил усули илмий-тадқиқот ва тажриба-конструкторлик ишлари (иттки)га инвестицияларни мақсадли ўсиш нуқтаси сифатида киритиш орқали такомиллаштирилган;
миллий иқтисодиётни инновацион-инвестицион ривожлантиришни молиялаштириш механизми молиявий бошқарув тизими, венчур молиялашнинг «краудфандинг» ҳамда «спин-офф корхона ташкил қилиш» моделларини киритиш орқали такомиллаштирилган;
юқори қўшилган қийматли рақобатбардош ва илмий сиғимли маҳсулотлар яратиш асосида яим ҳажмини оширишга қаратилган инновацион-инвестицион ривожлантиришнинг тизимли модели, илмийтехнологик зоналар ва технологик платформаларнинг кластер шакли такомиллаштирилган;
республика иқтисодиёти инновацион-инвестицион ривожланиши-нинг иқтисодий ўсишга таъсирини эконометрик моделлар асосида баҳолаш орқали 2019-2023 йилларга мўлжалланган кўп вариантли прогнози ишлаб чиқилган.
Тадқиқотнинг амалий натижалари қуйидагилардан иборат:
миллий иқтисодиётни инновацион-инвестицион ривожлантиришнинг илмий-назарий асослари инновацион омилнинг ўрни ва аҳамиятини ошириш орқали такомиллаштирилган;
иқтисодиёт инновацион-инвестицион ривожланишини давлат томонидан тартибга солишнинг хорижий мамлакатлар тажрибасини ўрганиш асосида Ўзбекистон шароитида фойдаланиш мумкин бўлган иқтисодий механизми, тартибга солиш шакл ва усуллари таклиф этилган;
кластерлаш механизми орқали иқтисодиётни инновацион-инвестицион ривожлантиришнинг қўшимча дастаклари сифатида инновацион омил, илмий-технологик зоналар, технологик платформалар киритилган;
республика иқтисодиётини инновацион-инвестицион ривожлантиришнинг эконометрик модели ва 2019-2023 йилларга мўлжалланган вариантли прогнози ишлаб чиқилган.