Denov tadbirkorlik va pedagogika instituti tadbirkorlik va boshqaruv fakulteti xalmuratov m. A

OLDINGI BO’YINTURUQ VENA Oldingi bo’yinturuq vena - v. jugularis anterior engak osti sohasining yuza venalaridan boshlanadi va yuqoridan pastga qarab yo’naladi. O’ng va chap tomondan kelayotgan bu venalar to’sh suyagining bo’yinturuq kemtigi (incisura jugularis) sohasida bo’yin fassiyalari (ikkinchi va uchinchi fassiya) o’rtasidagi spatium interaponeuroticum supra sternale da bir-biri bilan qo’shilib, ko’ndalang anastomoz yoki bo’inturuqning vena ravog’i - arcus venosus juguli ni hosil qiladi. Bu ravoq pastki qalqonsimon venalar va ko’krak oldingi devorining yuqori qismidagi teri osti venalari bilan ham qo’shiladi. Lekin bo’yinturuq venasi ravog’i hamavaqt hosil bo’lavermaydi. Ba’zan ikki tomondan kelayotgan venlar o’tkir burchak hosil qilib, bir-biri bilan qo’shiladi va bittayu-bitta toq vena hosil qiladi, bu vena v. mediana colli deb ataladi.
O’MROV OSTI VENASI O’mrov osti venasi - v. subclavia toq holda narvonsimon muskullar oralig’i (spatium antescalenium) dan o’tadi, uning boshlanish joyida va oxirida klapanlari bor. Qo’ltiq venasi - v. axillaris ning to’g’ridan-to’g’ri davomi bo’lgan bu vena o’z nomidagi arteriyaning old tomonida va birmuncha pastroqda yotadi. Ularning bir-biridan oldingi narvonsimon muskul (mus. scalenius anterior) ajratib turadi. O’ng va chap o’mrov osti venalari o’mrov suyagi bilan to’sh suyagiga qo’shilish joyida (articulatio sternoclavicularis) orqa tomonda bo’yindan kelayotgan ichki bo’yinturuq venasi bilan qo’shilib, o’ng va chap yelka-bosh venalari - v. brachiocephalica dextra, v. brachiocephalica sinistra ni hosil qiladi. O’mrov osti venasining oldingi devori bo’yinning xususiy fassiyasiga, orqa devori esa o’sha atrofidagi muskullar (mus. scalenius anterior, m. subclavius), fassial qinlar va paylarga yopishganligi uchun puchaymaydi.
QO’L VENALARI Qo’lda yuza va chuqur joylashgan venlar tafovut qilinadi. Yuza venalar hamisha toq bo’lib, odatda terining ostida joylashgan va klapanlar kam bo’ladi. Yuza va chuqur joylashgan venalar qo’shuvchi tarmoqchalar vositasida bir-biri bilan qo’shilib turadi. Bu qo’shuvchi tarmoqlarda klapanlar bo’lmaydi. Chuqur joylashgan venlarda esa klapanlar ko’p bo’ladi, chuqur venalar ko’pincha juft holatda o’z nomlaridagi arteriyalarni kuzatib boradi.