Denov tadbirkorlik va pedagogika instituti tadbirkorlik va boshqaruv fakulteti xalmuratov m. A

INGIChKA IChAK Ingichka ichak - intestinum tanuae me’daning oxirgi, chiqish qismidan boshlanib, to yo’g’on ichakning boshlang’ich qismiga qadar davom etadi va hazm kanalining eng uzun qismi hisoblanadi. Ingichka ichakning uzunligi 5-6 metr bo’lib, murdada birmuncha ortiqroq bo’ladi (6,5-7 metr). Bunga sabab shuki, ichak devorlaridagi doimo qisqarish holatida bo’lgan muskul tolalari odam o’lgandan so’ng bo’shashib ketadi. Umuman ichaklarning, jumladan ingichka ichakning uzun-qisqaligi yoshga ham bog’liq bo’ladi. Masalan, yangi tug’ilgan chaqaloqlarda ichakning uzunligi tananing uzunligiga nisbatan 7 marta, katta odamlarda esa 4-4,5 marta ortiqdir. Ingichka ichak devorlarining diametri yo’g’on ichaka yaqinlashgan sari toraya boradi. Agar o’n ikki barmoq ichak oxirgi qismining diametri 2,5 sm bo’lsa, yonbosh ichak oxirgi qismining diametri 2-2,5 sm keladi. Ingichka ichak yo’g’on ichakka nisbatan deyarli ikki marta ingichka bo’ladi.
YO’G’ON IChAK Yo’g’on ichak - intestinum crassum hazm kanalining ingichka ichakdan keyin davom etuvchi qismi bo’lib, orqa chiqarish teshigi bilan tugaydi. Ingichka ichak yo’g’on ichak chambarining ichida yotadi. Mazkur ichakning yo’g’on ichak deb atalishining boisi shundaki, uning diametri ingichka ichak diametriga nisbatan taxminan ikki barobar kattadir. Yo’g’on ichakning uzunligi 1-1,5 metr. Yo’g’on ichakda quyidagi qismlar tafovut etiladi: 1) ko’richak - caecum (chuvalchangsimon o’simta - appendix vermiformis bilan); 2) ko’tariluvchi chambar ichak - colon ascendens; 3) ko’ndalang chambar ichak - colon transversum; 4) tushuvchi chambar ichak - colon descendens; 5) S-simon ichak - colon sigmoideum; 6) to’g’ri ichak - intestium rectum;
7-MA’RUZA Mavzu: OVQAT HAZM QILISH BEZLARINING TUZILISHI
REJA:

1. 
   Me`da osti bezi
   
2. 
   O`t pufagi
   
3. 
   Jigar va uning ahamiyati
   

Tayanch iboralar: og’iz bushlig’i a’zolari, halqum qizilo’ngach, me’da, o’rta va orqa ichaklar, jigar, oshqozon osti bezi.