Denov tadbirkorlik va pedagogika instituti tadbirkorlik va boshqaruv fakulteti xalmuratov m. A

BACHADON Bachadon- uterus ning shakli nokka o’xshaydi. U kichik chanoq bo’shlig’ida, qovuq bilan to’g’ri ichak o’rtasida turadi. Bachadonda homila rivojlanadi. Bachadonning bo’yini, tanasi va tubi tafovut qilinadi. Yuqorida aytilgandek, bachadonning tubi - fundus uteri yuqoriga qaragan bo’lib, tekis do’ng shaklida ko’tarilib turadi. Tanasi - corpus uteri oldindan orqaga tomon bir oz siqilgan (yassilashagan) bo’lib, keng, tepa qismi pastga tomon torayib boradi, natijada u pastga tomon uzaygan uchburchak shaklini oladi. Tananing pastki qismi (davomi) bachadon bo’yni - cervix uteri deb ataladi. Tanadan bo’yinga o’tish chegarasi - isthmus uteri deb ataladi. Joylashgan nuqtai nazardan bachadon bo’yni ikki qismga bo’linadi. Pastki (oxirgi) bo’lakchasi qin ichiga chuqur botib kirib turgan uchun portio vaginalis deb yuritiladi.
QIN Bachadon bo’yni va katta uyatli lablar yorig’i o’rtasidagi qismni bir-biriga qo’shib turgan kanalga qin- vagina deyiladi. Qin toq a’zolari bo’lib, shaklan nayga o’xshaydi. U kichik chanoq bo’shlig’ida joylashgan. Qinning ustki tomoniga, bachadon bo’yni chuqur kirib turadi, pastki teshigi esa tanosil lablari orasidan tashqariga ochiladi. Salgina orqaga tomon egilgan bu kanalning uzunligi taxminan 8 sm bo’lib uning old va orqa qismlari (devorlari) - pars anterior, pars posterio tafovut qilinadi. Odatda, bu devorlar bir-biriga tegib turadi. Bachadon bo’ynining oxirgi (pastki) qismi qin ichiga chuqur kirgan uchun shu bo’yin atrofida gumbaz shaklida oldin va orqa bo’shliqlar (chuqurliklar) paydo bo’ladi. Bulardan orqa gumbaz - fornix vagina posterior chuqurroq bo’ladi, chunki bu tomonda qin devori bachadon bo’yniga ancha yuqorida yopishadi, oldingi gumbaz fornix vaginae anterio esa yuzaroq bo’ladi. Qin orqa ustki devorining ozgina qosmi qorin parda bilan o’ralganini yuqorida aytib o’tgan edik, uning qolgan anchagina qismi to’g’ri ichakka yaqin turadi. pastga tushgan sari bu ikki a’zoning orasi uzayaveradi. Qovuq oldi devorining ustki, ozroq qismi qovuq tubi qarshisida tursa, pastki, ko’proq qismi siydik chiqarish kanalining yonida joylashadi. Qizlar qinining tashqi teshigi halqa shaklidagi shilliq parda burmasi bilan berkilgan va halqaning o’rtasida kichkina teshik bo’ladi xolos. Ana shu halqasimon parda qizlik pardasi - hymen femininu deb yuritiladi. Ba’zi qizlik pardasining o’rtasida teshik bo’lmasligi ham mumkin (nymen imperforatus), lekin bunday hodisa juda kam uchraydi. Tuqqan ayollarda bu parda o’rnida aylanma do’mboqchalar qoladi, bunga corunsulae murtiforia deyiladi.