Denov filiali pedagogika fakulteti

9-topshiriq. Uyga vazifani aniqlang. Namuna ko’rsating.
Mavzu: Tovush va harf
Darsning maqsadi: a) tovushlar, ularning so‘z ma’nolarini farqlashi, to‘g‘ri talaffuzi, belgilari, tovushlaning harflar bilan yozilishi, harflarning belgilari, grafik jihatdar to‘g‘ri shakllantirish haqidagi bilimlarini eslatish orqali mustahkamlash;
b) oila, uning a’zolariga hurmat bilan munosabatda bo‘lishga odatlantirish, o‘quvchilarning lug‘atini savlat, qissa, so’qmoq so‘zlari bilan boyitish, nutqini o‘stirish.
Darsning turi: yangi bilim beruvchi dars.
Darsning metodi: suhbat metodi.
Darsning jihozi: tovushlar uchun katakchalar, kesnu harf.
Darsning borishi:

1. 
   ,,Ona tili” she’rini yod ayttirish.
   
2. 
   Tovushlar yuzasidan suhbat.
   

Chizmani kuzating, bu so‘zda nechta tovush bor?
Bu so‘z oila a’zolarini bildiruvchi so‘z. Qaysi so‘z ekanini kirn topadi? (Ona). Ona so‘zida nechta tovush bor? Shu so‘zdagi ikkinchi tovushni boshqasi bilan almashtiring. (Ota).
Ona va ota so‘zlarining ma’nosini qaysi tovushlar farqlab beryapti? (n va t tovushlari). Aka so‘zida nechta tovush bor? (3 ta). Birinchi tovushni o‘zgartirib yangi so‘z hosil qiling. (Uka). So'zlarning ma’nosi nega o‘zgardi? (tovushlar o‘zgargani uchun). Demak, tovushlar so‘zning nimasini o‘zgartiradi? (Ma’nosini).
Shu so‘zlarning tovush tuzilishi chizmada tasvirlanadi. ([][][]). To‘rtta so'zning tasviri bir xil. (Chunki 1 ta tovush uchun bitta katakcha olinadi) Lekin tovushlar har xil.
So‘zda nechta tovush bo‘ladi? (Bitta: u, 2 ta: un; 3 ta: ota, 4 ta: xola va undan ko‘p.)
Oila deganda kimlarni tushunasiz?
Ota va onangizga siz qanday murojaat qilasiz?
Akangiz, ukangiz bilan qanday gaplashasiz?
“O'zaro hurmat” degan so‘zning ma’nosini kim tushuntirib beradi?
Men so‘z aytaman, siz shu so‘zda nechta tovush borligini topasiz. Bola. (4 ta tovush bor).
I ta tovush borligini qanday topdingiz? (Eshitish orqali) Tovushlarni nima qilamiz? (Aytamiz va eshitamiz) Xola, buva, buvi so'zlaridagi tovushlar ham aniqlatiladi.
O’quvchilar javobi umumlashtiriladi: So‘zlar tovushlardan tuziladi. So‘zda bitta va undan ko‘p tovushlar bo’ladi. Tovushlarni aytamiz va eshitamiz. Har bir tovush 1ta katakcha bilan belgilanadi.
O’quvchilar fikrining xulosasi sifatida darslikdagi qoida o‘qitiladi. (Tovushlarni aytamiz va eshitamiz. O’zek tilida 30 ta tovush bor).