Denov filiali pedagogika fakulteti

3. Darslik bilan ishlash. 2-mashq sharti o‘qitiladi.
O’quvchilar rasmda tasvirlangan narsa nomlarini yozadilar. Ulardagi harflar yuzasidan suhbat o‘tkaziladi.
Tovushlar yozuvda nima bilan ifodalanadi? (Harflar bilan). Harflarni nima qilamiz? (Yozamiz, ko‘ramiz, o’qiymiz).
Yozgan so‘zlaringizdagi harflar sonini aniqlang. Har bir harf bitta tovush ifoda etayotganini aytadilar, so‘zlardagi so‘z ma’nosini farqlayotgan harfning tagiga chizadilar.
4. ,,So‘z tuz va o‘qi!” o‘yini: O‘quvchilarga o‘yin sharti tushuntiriladi: Men so‘z aytaman va uning shaklini xattaxtaga chizaman, siz uni o’qib, ko‘rsatilgan tovushni tushirib, yangi so‘z hosil qilasiz va shaklini xattaxtaga chizasiz: to‘qi – [] [] [] [], (o’qi-[] [] []), dona- [] [] [] [], (ona-[] [] []), chelak-[] [] [] [] [] (elak-[] [] [] []).
O’yinga xulosa yasaladi: So’zdagi birorta tovush tushib qolsa ham so’zning ma’nosi o’zgaradi. Shuning uchun so’zlarni yozganda tovushni bildiruvchi birorta harfni tushirib qoldirmay yoki boshqasi bilan almashtirmay yozish kerak.
5. 3-mashq shartiga ko’ra bajariladi, anhor-anor, bahor-baho, hunar-unar, dona-ona, don.
Uyga vazifa so’ralayotganda so’zlarning adabiy- orfoepik talaffuzi ustida ham ishlanadi: bahor, baho; bu so’zlarning birinchi bo’g’inidagi a tovushini a deb talaffuz qilish to’g’ri talaffuz sanaladi.
6. 4-mashq shartiga ko’ra uyda bajariladi: qovun so’zidagi q ni s bilan almashtirib (ikki-ukki, mart-mard, so‘qmoq-to‘qmoq, savlat-davlat) yozadilar, so’z ma’nosini o’zgartirayotgan harfning tagiga chizadilar. So‘qmoq, savlat so’zlarining ma’nolari izohlab boriladi:
Savlat — insonning butun gavda ko’rinishi uning savlati deyiladi.
So‘qmoq bir kishi yuradigan yolg’izoyoq yo’l.
Uyda mashqni shu tarzda bajarish aytiladi.
7. Darsda o’rganilganlarga yakun yasash: Tovushlarni talaffuz qilamiz, eshitamiz. Ular so’z ma’nolarini o’zgartiradi. Shuning uchun so’zlarni yozganda aytilayotgan tovushni ifodalovchi harfni yozish kerak. Harflarni yozamiz, ko'ramiz, o‘qiymiz.
Uyda xola, qovun, sovun, mard, savlat so‘zlarining yozilishini bilib keling. Keyingi darsda lug‘at diktant yozasiz.
8. O‘quvchilarning darsda to‘plagan ballari e’lon qilinadi.