Denov filiali pedagogika fakulteti

O’quvchilarga quyidagi savollar beriladi:
-Asos deb nimaga aytiladi?
-Asosdosh so‘zlar deb nimaga aytiladi?
-Asosdosh so‘zlarning qaysi qismi bir xil yoziladi?
2-topshiriq (o‘yin)da quyidagi she’rning audiosi bilan matni ekranda namoyish etiladi:
Osmoningda porlar quyosh,
Barcha ellar ahil, sirdosh.
Toleyingga tinchlik yo‘ldosh,
O’zbekiston Vatanimsan —
Gullagan chamanimsan.
O’quvchilar ajratib ko‘rsatilgan so‘zlarga asosdosh so‘zlar topadilar va ekranda «Tekshirish» tugmasi orqali asosdosh so‘zlarni tekshiradilar.
Refleksiya mashg‘uloti.
So‘zlar qatoridan asosdosh bo‘lmagan so‘zlarni topish vazifasi beriladi. Guruh sardorlari taklif qilinadi va doskaga ilingan ko‘rgazmalardan foydalanib, topshiriqni bajaradilar. Sportga bo‘lgan qiziqishni o‘stirish maqsadida sport turlaridan guruh nomi qo‘yiladi.

«Shaxmat» guruhi	«Shashka » guruhi
O’roq	Mashinasoz
O’rtoq	Mashinachi
O’rim	Mashmasha
O’roqchi	Mashinali
O’rmala	Mashinasiz

O’quvchilar so‘zlar qatoridan asosdosh bo‘lmagan so‘zlarni topib, o‘chiradilar va tezlik bilan asosdosh so‘zlardan bittadan gap tuzadilar.

Doskaga ilingan ko‘rgazmalar asosida berilgan quyidagi so‘zlarni bir-biriga bog‘lab gap tuzish topshiriladi.
«Shaxmat» guruhiga: Hozir, fasli, kelgan, tabiatda, qish.
«Shashka » guruhiga: Boshlangan, hozir, o‘lkamizda, sovug‘i, qishning.
«Orfografik estafeta» metodi.
Bu metod o‘quvchilarning eslab qolish qobiliyatlarini o‘stirish, xatosiz va chiroyli yozish, hamkorlikda ishlash, topshiriqni tez va puxta bajarishga undash maqsadida o‘tkaziladi.
Guruhlarga konvertlar tarqatiladi. Konvert ichida 2 ta «chopar», 1 ta «nazoratchi», 1 ta «muharrir», 1 ta «mirzo» so‘zlari yoziladi. Sinf tashqarisida, ya’ni - yo‘lakka kichkinagina matn yozib yopishtiriladi. Choparlar galma-galdan tashqaridan matnni o‘qib kelib, mirzoga aytadilar. Mirzo yozib boradi. Nazoratchilar guruhlar ishini kuzatib boradi. Hech kim xalaqit bermasligi kerak. Muharrirlar ikkala guruh ishini almashtirib tekshiradilar. Bunda xatolar soni va tushib qolgan so‘zlar hisobga olinadi. Matnda uchragan asosdosh so‘zlarning umumiy qismi belgilanadi. Yozilgan matnlarda guruh nomlari «Shaxmat» yoki «Shashka» deb yozib qo‘yiladi. Jarayon yuzasidan yutuqlar va kamchiliklar asosida guruhlar fikri so‘raladi.