Denov filiali pedagogika fakulteti

8-amaliy mashg’ulot. 3.2. Affiksal morfemani o’rganish darslari rejasini va ishlanmasini tuzish. (2 soat)
Reja:
1. Boshlang’ich sinflarda affiksal morfemalarni o’rganish tartibini bilib olish.
2. Qo’shimcha morfemalarning turlarini savol-javob asosida bilib olish.
3. So’z yasovchi va so’zlarni bir-biriga bog’lovchi qo’shimchalarning vazifasini kichik yoshdagi o’quvchilarga o’rgatish usullari.
4. Mavzu yuzasidan dars fragmentlarini kuzatish va tahlil qilish
5. Talabalarining javoblarini tahlil qilish va baholash.
Mavzu yuzasidan topshiriqlar.
1-topshiriq. Boshlang’ich sinflarda so’zning morfemik tarkibini o’rganish bilib oling.
2-topshiriq. So’zning morfologik tarkibi atamalari boshlang’ich sinflarda qanday nomlanadi? Uning turlarini yozing.
3-topshiriq. So’z yasovchi qo’shimchalarning xususiyatlarini bayon qiling.
4-topshiriq. Shakl yasovchi qo’shimchalarni o’rganish xususiyatlarini bilib oling.
5-topshiriq. So’zning morfemik tarkibiga oid grammatik o’yinlarni tanlang va dars jarayoniga kiritishni rejalashtiring.
6-topshiriq. So’zning morfologik tarkibiga oid uchunchi sinf ona tili kitobidan bitta mavzu tanlang.
7-topshiriq. Dars bosqichlari bo’yicha bajariladigan mashg’ulotlarni va mashqlar majmuasini belgilab chiqing.
8-topshiriq. Dars ishlanmasini tuzing.


Mavzuga oid dars namunasi.
Mavzu: So’z yasovchi va so’zlarni o’zaro bog’lovchi qo’ shimchalar (185-187-mashqlar). Ona tili 3-sinf
Darsning maqsadi:
Ta’limiy: O’quvchilarning egallagan bilimlarini mustahkamlash, ularni so’z yasovchi va so’zlarni o’zaro bog’lovchi qo’shimchalarni bir-biridan farqlay olishga, qo’shimchalar ishtirokida gap va so’zlar tuza olishga o’rgatish;
Tarbiyaviy: o’quvchilarni hamkorlikda ishlashga, erkin va mantiqiy fikrlashga o’rgatish;
Rivojlantiruvchi: mustaqillik, ijodkorlik qobiliyatini rivojlantirish.
Dars metodi: suhbat, «Guruhini top» ta’limiy o’yini.
Dars turi: bilim, ko’nikma va malakalarni mustahkamlash darsi.
Dars jihozi: qo’shimchalar yozilgan tarqatmalar, multimedia ilovali, tarqatma materiallar.