Dawletmuratov Adilbay Mirzabaevich

Erisilgen potencial – bul ámelde is berip atırǵan potencial, ol ónim hám xızmetler islep shıǵarıwdı támiyinlep turıwshı potencial. Bul jan b asına islep shıǵarılǵan tovarlar hám xızmetlerdiń pulda sáwlelengen muǵdarı menen ólshenedi hám mámleketler boyınsha ózgeshelenedi.
Keleshektegi potencial – keleshekte is beriwi múmkin bolǵan potencial. Mısalı, isletilip atırǵan stanoklar, jumıs kúshi hám túrli kánler ámeldegi real potencial bolıp, bul dóretilgen ónim hám xızmetlerde sáwlelenedi. Stanoklar rezervleri (rezervtegi quwatlıqlar) tartılıwı múmkin bolǵan miynet resursları bar ekenligi anıq, biraq ele isletilmegen kánler keleshektegi potencialdı quraydı. Bar bolǵan potencialdıń isletiliwi hám keleshektegi potencialdıń qanshelli tez iske kiriwine qaray tákirar óndiris júz beredi. Mısalı, Norvegiya bunnan 50 jıl aldın Evropadaǵı ekonomikası hálsiz mámleket bolǵan. Eń arqadaǵı neft hám gaz kánleriniń jedel isletiliwi sebepli Norvegiya jan basına dóretilgen ónim hám xızmetler kólemi boyınsha Evropada úshinshi orınǵa, dúnya júzinde besinshi orınǵa shıǵıp aldı.
Qadaǵalaw sorawları

1. 
   Ekonomikalıq ósiwdıń mazmunın túsindiriń.
   
2. 
   Absolyut hám salıstırmalı ekonomikalıq ósiwdi mısallarda táriyipleń.
   
3. 
   Ekonomikalıq ósiw teoriyaları hám modelleri haqqında túsinik beriń.
   
4. 
   “70 muǵdar qaǵıydası”nıń mazmunın túsindiriń.
   
5. 
   Ekonomikalıq ósiwdiń faktorların sanań hám olarǵa mısallar keltiriń.
   
6. 
   Milliy baylıq túsinigin táriyiplep beriń.
   
7. 
   Ekonomikalıq potencial haqqında túsinik beriń.
   
8. 
   Ózbekstanda ekonomikalıq ósiwdiń joqarı pátlerin támiyinlewshi faktorlardı sanań hám olardıń nátiyjelerin túsindiriń.
   

Tapsırmalar

1. 
   Ekonomikalıq ósiw teoriyaları boyınsha Venna diagrammasın dúziń.
   
2. 
   Máseleni sheshiń. Eger ótken jıli reai JIÓ 80 mlrd dollardı hám aǵımdaǵı jılda 95 mlrd dollardı quraǵan bolsa, bul jaǵdayda ekonomikalıq ósiwdiń pátin anıqlań.
   

17. TEMA. MILLIY EKONOMIKANÍŃ TEŃSALMAQLÍ RAWAJLANÍWÍ