Davlat va jamiyat



Download 353.35 Kb.
bet1/8
Sana11.01.2017
Hajmi353.35 Kb.
  1   2   3   4   5   6   7   8

Mustaqillik yilnomasi 1991

DAVLAT VA JAMIYAThttp://www.press-service.uz/img/menu/26/1991a.jpg

31 avgust. Toshkentda Respublika Oliy Kengashining Navbatdan tashqari VI sessiyasi bo‘lib o‘tdi. O‘zbekistonning davlat mustaqilligi e’lon qilindi. Oliy Kengashning respublika davlat mustaqilligi to‘g‘risidagi Bayonoti qabul qilindi. Tegishli qarorga muvofiq O‘zbekiston SSR O‘zbekiston Respublikasi deb qayta nomlandi. 1 sentyabr - Mustaqillik kuni deb e’lon qilindi. O‘zbekiston Respublikasining davlat mustaqilligi aososlari to‘g‘risidagi Qonun qabul qilindi.

31 avgust. O‘zbekiston Respublikasi Prezidenti Islom Karimov "O‘zbekiston Respublikasi mustaqilligi e’lon qilinishi munosabati bilan afv etish to‘g‘risida" Farmon chiqardi.

18 noyabr. Oliy Kengashning VIII sessiyasida O‘zbekiston Respublikasining Davlat bayrog‘i tasdiqlandi.

29 dekabr. Respublikaning davlat mustaqilligi masalasi bo‘yicha Referendum va O‘zbekiston Respublikasi Prezidentligiga saylovlar bo‘lib o‘tdi. Xalq bir yo‘lni tanladi: O‘zbekiston mustaqil bo‘ldi. Uning Prezidenti etib Islom Abdug‘aniyevich Karimov saylandi.

IQTISODIYOT

27 noyabr. O‘zbekiston Respublikasi Prezidenti Islom Karimov respublikaga tashrif buyurgan Pokistonning iqtisodiy masalalar bo‘yicha vaziri Sardor Asef Ahmad Ali boshchiligidagi savdo-iqtisodiy delegatsiyasini qabul qildi.

29 noyabr. O‘zbekiston Respublikasi Prezidenti Islom Karimov "Respublikada dehqon (fermer) xo‘jaliklarini yanada mustahkamlash va tadbirkorlik faoliyatini davlat tomonidan qo‘llab-quvvatlash choralari to‘g‘risida" Farmon chiqardi.http://www.press-service.uz/img/menu/26/1991b.jpg

IJTIMOIY HAYOT

1 sentyabr. Toshkentdagi 305-maktab qoshida respublikada birinchi ekologik o‘quv-tarbiya markazi ochildi.

20 sentyabr. O‘zbekiston Respublikasi Prezidenti huzuridagi Vazirlar Mahkamasi "O‘zbekiston Fanlar akademiyasi Adabiyot institutiga Alisher Navoiy nomi berilishi to‘g‘risida" Qaror qabul qildi.http://www.press-service.uz/img/menu/26/1991d.jpg

25 sentyabr. O‘zbekiston Respublikasi Prezidenti Islom Karimov "Adabiyot, san’at va me’morchilik sohalari bo‘yicha O‘zbekiston Respublikasining Alisher Navoiy nomidagi Davlat mukofotini berish to‘g‘risida" Farmon chiqardi.

10 oktyabr. O‘zbekiston Respublikasi Prezidenti Islom Karimov "X.To‘xtaboyev, O‘.R.Umarbekov, SH.Xolmirzayevga "O‘zbekiston Xalq yozuvchisi" faxriy unvonini berish to‘g‘risida" Farmon chiqardi.

Oktyabr. Porto shahrida (Portugaliya) o‘tkazilgan pianinochilarning Xalqaro tanlovida O‘zbekiston Respublikasi birinchi marta mustaqil davlat sifatida ishtirok etdi. Bizning vakilimiz - yosh musiqachi Ulug‘bek Polvonov ushbu ko‘rikning sovrindori bo‘ldi. Unga Bax va Shopen asarlarining ijrosi uchun uchinchi o‘rin berildi.

9 noyabr. O‘zbekiston Respublikasi Prezidenti Islom Karimov "Mahalla qo‘mitalari faollaridan bir guruhini mukofotlash to‘g‘risida" Farmon chiqardi.

21 noyabr. O‘zbekiston Respublikasi Prezidenti Islom Karimov "Farg‘ona Davlat universiteti xodimlarini mukofotlash to‘g‘risida" Farmon chiqardi.

TASHQI SIYOSAT

29 oktyabr. Moskvada O‘zbekiston Respublikasi rasmiy delegatsiyasi bilan Rossiya Sovet Federativ Sotsialistik Respublikasi rasmiy delegatsiyasi o‘rtasida bo‘lib o‘tgan muzokaralar yakunlari bo‘yicha Kommyunike, shuningdek, RSFSR bilan O‘zbekiston Respublikasi o‘rtasida 1992 yilgi savdo-iqtisodiy hamkorlik prinsiplari to‘g‘risidagi Bitim imzolandi.http://www.press-service.uz/img/menu/26/1991c.jpg

6 noyabr. Toshkentda O‘zbekiston Respublikasi bilan Belarus Respublikasi o‘rtasidagi davlatlararo munosabatlar asoslari to‘g‘risidagi Shartnoma imzolandi, Shartnomani O‘zbekiston Respublikasi Prezidenti I.A. Karimov va Belarus Respublikasi Oliy Kengashining raisi S.S. Shushkevich imzoladilar. Shuningdek, shu kuni ikki Respublika o‘rtasida savdo-iqgisodiy aloqalari to‘g‘risidagi hukumatlararo Bitim ham imzolandi.

12-13 dekabr. Ashgabadda O‘rta Osiyo respublikalarining uchrashuvi bo‘lib o‘tdi, unda O‘zbekiston Respublikasi Prezidenti Islom Karimov ishtirok etdi.

14 dekabr. 1991yilning 13 dekabrida Ashgabadda bo‘lib o‘tgan uchra-shuvda imzolangan O‘zbekiston Respublikasi, qozog‘iston Respublikasi, Qirg‘iziston Respublikasi va Turkmaniston Respublikasi rahbarlari o‘rtasida Tejen - Seraxs temir yo‘li qurilishi sohasidagi iqtisodiy hamkorlik to‘g‘risida Bitim e’lon qilindi.

Mustaqillik yilnomasi 1992

DAVLAT VA JAMIYAT

 

http://www.press-service.uz/img/menu/27/1992a.gif

3 yanvar. O‘zbekiston Respublikasi Prezidenti huzuridagi Vazirlar Mahkamasining "1992 yilda O‘zbekiston Respublikasining iste’mol bozorini himoya qilish to‘g‘risida"gi Qarori e’lon qilindi.

8 yanvar. O‘zbekiston Respublikasining "O‘zbekiston Respublikasi mahalliy hokimiyat organlarini qayta tashkil etish to‘g‘risida"gi va "O‘zbekiston Respublikasida davlat yoshlar siyosati asoslari to‘g‘risida"gi Qonunlari e’lon qilindi.

27 yanvar. O‘zbekiston Respublikasi Oliy Kengashi "O‘zbekiston Respublikasi tarkibida Navoiy viloyatini tiklash to‘g‘risida" Qaror qabul qildi.

28 yanvar. O‘zbekiston Respublikasi Prezidenti Islom Karimov "O‘zbekiston havo yo‘llari" - O‘zbekiston Milliy aviokompaniyasini tashkil qilish to‘g‘risida" Farmon chiqardi.

21 fevral. O‘zbekiston Respublikasi Prezidenti Islom Karimov "O‘zbekiston Respublikasi Tashqi iqtisodiy aloqalar vazirligini tashkil etish to‘g‘risida" Farmon chiqardi.

24 mart. O‘zbekiston Respublikasi Prezidenti Islom Karimov "O‘zbekiston Respublikasi hududida joylashgan chegara qo‘shinlari bo‘linmalari to‘g‘risida" Farmon chiqardi.

3 may. O‘zbekiston Respublikasi Prezidenti Islom Karimov "O‘zbekneftgaz" - O‘zbekiston neft va gaz sanoati" Davlat konsernini tuzish to‘g‘risida" Farmon chiqardi.

2 iyul. O‘zbekiston Respublikasining 1992 yil 2 iyulda O‘zbekiston Respublikasi Oliy Kengashining X sessiyasida tasdiqlangan "O‘zbekiston Respublikasining Davlat gerbi to‘g‘risida"gi Qonunini e’lon qilindi.

3 iyul. O‘zbekiston Respublikasi Prezidenti Islom Karimov "O‘zbekiston Respublikasi Mudofaa ishlari vazirligini - O‘zbekiston Respublikasi Mudofaa vazirligiga aylantirish to‘g‘risida" Farmon chiqardi.

16 iyul. O‘zbekiston Respublikasining Respublika Oliy Kengashi X sessiyasida qabul qilingan "O‘zbekiston Respublikasida bayram kunlari to‘g‘risida"gi Qonuni e’lon qilindi.

27 iyul. O‘zbekiston Respublikasi Prezidenti Islom Karimov "O‘zbekturizm" Milliy kompaniyasini tashkil etish to‘g‘risida" Farmon chiqardi.

6 avgust. O‘zbekiston Respublikasining Respublika Oliy Kengashi X sessiyasida qabul qilingan "Mudofaa to‘g‘risida"gi Qonuni e’lon qilindi.

25 avgust. O‘zbekiston Respublikasining "Umumiy harbiy majburiyat va harbiy xizmat to‘g‘risida"gi Qonuni e’lon qilindi.

8 oktyabr. O‘zbekiston Respublikasi Prezidenti Islom Karimov "Respublika "Mahalla" xayriya jamg‘armasiga mablag‘ ajratish to‘g‘risida" Farmon chiqardi.

22 oktyabr. Toshkentda Respublika "Mahalla" xayriya jamg‘armasining birinchi ta’sis konferensiyasi bo‘lib o‘tdi.

9 dekabr. O‘zbekiston Respublikasi Oliy Kengashi XI Sessiyasida qabul qilingan "O‘zbekiston Respublikasi Konstitutsiyasini qabul qilish to‘g‘risida"gi va "O‘zbekiston Respublikasi Konstitutsiyasi qabul qilingan kun - 8 dekabrni umumxalq bayrami deb e’lon qilish to‘g‘risida"gi Qonunlari e’lon qilindi.

15 dekabr. O‘zbekiston Respublikasi Oliy Kengashining 1992 yil 8 dekabrda bo‘lib o‘tgan XI Sessiyasida qabul qilingan O‘zbekiston Respublikasi Konstitutsiyasi e’lon qilindi.
IQTISODIYOT

 


http://www.press-service.uz/img/menu/27/1992b.jpg

14 yanvar. O‘zbekiston Respublikasi Prezidenti Islom Karimov turli firmalarga boshchilik qilayotgan va O‘zbekistonga amaliy tashrif bilan kelgan bir guruh turk ishbilarmonlarini qabul qildi.

29. fevral. O‘zbekiston Respublikasi Prezidenti Islom Karimov Saudiya Arabistonidan respublikamizga kelgan "Xenel indastriz LTD" konsorsiumining direktori Shayx Xolid Ahmad Ali Rizoni qabul qildi.


19 mart. Nukusda O‘zbekistondagi "Yazeks" turk korparatsiyasi ko‘magida barpo etilayotgan "Kateks" to‘quvchilik kompleksi qurilishiga birinchi qoziq qoqildi.

19 mart. O‘zbekiston Respublikasi Vazirlar Mahkamasi "Namangan viloyati Mingbuloq konida neft otilib chiqishini jilovlash, aholini ijtimoiy himoyalash va ushbu mintaqadagi tabiiy boyliklardan samarali foydalanish bo‘yicha shoshilinch choralarni ko‘rish to‘g‘risida" Qaror qabul qildi.

16 aprel. O‘zbekistonning birinchi yo‘lovchi avialayneri Saudiya Arabistonining Jidda shahridagi xalqaro aeroportiga qo‘ndi. Bu O‘zbekiston bilan Saudiya Arabistoni o‘rtasidagi muntazam havo yo‘llarining boshlanishi bo‘ldi.

25 aprel. O‘zbekiston Respublikasi Milliy avikompaniyasi uchuvchilari Karochiga birinchi yo‘lovchi reysni amalga oshirdilar.

Aprel. Samarqandda "Interosiyo-92" Xalqaro ko‘rgazmasi bo‘lib o‘tdi, unda qariyb 30 davlat, jumladan, Afg‘oniston, Koreya, Xitoy, Yaponiya, MDH respublikalarining qo‘shma va xususiy korxonalari hamda firmalari o‘z mahsulotlarini namoyish etdi.

26-28 may. Toshkentda "Investitsiya huquqi va Osiyo-Tinch okeani mintaqasidagi siyosat" mavzuida xalqaro seminar bo‘lib o‘tdi.

27-28 may. Toshkentda MDH mamlakatlari energetiklarining uchrashuvi bo‘lib o‘tdi, unda mamlakatlarda elektroenergetikani rivojlantirish istiqbollari haqidagi masala muhokama qilindi.

28 may. Parkent tumanida 500 kilovolt kuchlanishga ega bo‘lgan "Toshkent" qudratli yordamchi stansiyasi foydalanishga topshirilganligi haqidagi xabar e’lon qilindi. Uning ishga tushirilishi bilan Sirdaryo va Toshkent GRESlarini birlashtiruvchi 500 kilovoltli elektr uzatish liniyasiga endi Yangi Angren issiqlik stansiyasi ham ulandi.

2 iyul. "O‘zbekiston Respublikasi Davlat gerbi to‘g‘risida"gi Qonun 1992 yil 2 iyulda O‘zbekiston Respublikasi Oliy Kengashining X sessiyasida qabul qilingan.

16 iyul. O‘zbekiston Respublikasi Prezidenti Islom Karimov Janubiy Koreyaning mashhur "Samsung" firmasi vitse-prezidenti J.Kim boshchiligidagi firma rahbariyati vakillari bilan uchrashdi.

30 iyul. Toshkentda Xitoy xalq iste’moli mollari ko‘rgazmasi ochildi. Ko‘rgazmada Xitoyning 15 viloyatining 60 dan ortiq firma va kompaniyalarida tayyorlangan o‘n mingdan ortiq nomdagi mahsulotlar namoyish etildi.

1 avgust. O‘zbekiston Respublikasi Prezidenti Islom Karimov Janubiy Koreya "DEU" korporatsiyasi raisi Kim U Jungni qabul qildi.

7 avgust. V.P.Chkalov nomidagi Toshkent aviatsiya ishlab chiqarish birlashmasida IL-114 samolyotining birinchi sinov parvozi bo‘lib o‘tdi. Uni uchuvchilar I.R.Zokirov va V.P.Grigoryev amalga oshirdi.

13 avgust. O‘zbekiston Respublikasining Oliy Kengash X sessiyasida qabul qilingan "Dehqon xo‘jaligi to‘g‘risida"gi Qonun e’lon qilindi.

24 avgust. Toshkentda Janubiy Koreyaning "DEU" korporatsiyasi va O‘zbekiston Davlat konserni "Avtoqishxo‘jmash" o‘rtasida Andijon viloyatining Asaka shahrida yiliga 180 ming avtomobil ishlab chiqaradigan avtomobil zavodini qurish to‘g‘risida Shartnoma imzolandi.

26 avgust. Toshkent aeroportiga Shinjon milliy aviakompaniyasining TU-154 samolyoti yo‘lovchilari bilan qo‘ndi. Ushbu reys bilan Urumchi va Toshkent o‘rtasida muntazam yo‘lovchi tashish aloqasi yo‘lga qo‘yildi.

Sentyabr. Toshkentda xalqaro huquq va xususiy biznes bo‘yicha O‘zbekiston-Yevroamerika simpoziumi bo‘lib o‘tdi.

26 oktyabr. O‘zbekiston Respublikasi Prezidenti Islom Karimov Gollandiyaning "Aalbers Yeurop konsaltans" firmasi prezidenti K.Aalbersni qabul qildi.

30 oktyar. O‘zbekiston aviatorlari Toshkent-London-Toshkent yangi havo yo‘lini ochdilar.

7 noyabr. O‘zbekiston Respublikasi Prezidenti Islom Karimov "Paxtani qayta ishlash va paxta mahsuloti sotish bo‘yicha O‘zbekiston Davlat aksionerlik assotsiatsiyasi ("O‘zdavpaxtasanoatsotish")ni tashkil etish to‘g‘risida" Farmon chiqardi.

27 noyabr. O‘zbekiston Respublikasi Prezidenti Islom Karimov respublikaga tashrif buyurgan Yevropa tiklanish va taraqqiyot bankining prezidenti Jak Atalini qabul qildi.

Noyabr. Respublikada "O‘zsepard" birinchi o‘zbek-eron qo‘shma korxonasi tashkil etildi. Ushbu korxonani yuqori sifatli yuvish vositalari, poyabzal va kiyim-kechak ishlab chiqarishda dong taratgan "Separd sanoat guruhi korxonalari hamda "Mahalliy sanoat" davlat korporatsiyasining manfaatlarini ifodalovchi "Sharq" tashqi savdo birlashmasi hamkorlikda tashkil etishdi.

IJTIMOIY HAYOT

 


http://www.press-service.uz/img/menu/27/1992d.jpg

10 yanvar. Toshkentda Toshkent Davlat iqtisodiyot universiteti va Moliya institutining 60 yilligiga bag‘ishlangan tantanali majlis bo‘lib o‘tdi.

21 yanvar. Toshkentda O‘zbekiston Milliy olimpiya qo‘mitasining ta’sis konferensiyasi bo‘lib o‘tdi.

23 yanvar. Toshkentda Turkiya madaniy markazi ochildi.

24 yanvar. O‘zbekiston Respublikasi Vazirlar Mahkamasining "Respublika baynalmilal madaniy markazi to‘g‘risida"gi Qarori bayoni e’lon qilindi.

5 fevral. O‘zbekiston Respublikasining "Jismoniy tarbiya va sport to‘g‘risida"gi qonuni qabul qilindi.

9 fevral. Toshkentda Fransiya madaniyati haftaligining ochilish marosimi bo‘ldi.

26 fevral. Toshkentda O‘rta Osiyo va Qozog‘iston musulmonlarining navbatdan tashqari V qurultoyi bo‘lib o‘tdi.

28 fevral. Toshkentda bolalik va onalikni muhofaza qilish muammolari yuzasidan uchrashuv bo‘lib o‘tdi.

10 mart. Toshkentda O‘zbekiston Fanlar akademiyasi tarkibida O‘g‘itlar instituti barpo etildi.

27 mart. Toshkentda Hamza nomidagi O‘zbek Davlat akademik drama teatrida O‘rta Osiyo va Qozog‘iston respublikalarining "Navro‘z-92" Xalqaro teatr festivali tantanali ravishda ochildi.

27 mart. O‘zbekiston Respublikasi Prezidenti Islom Karimov "Ro‘za hayiti" kunini dam olish kuni deb e’lon qilish to‘g‘risida" Farmon chiqardi. Ushbu Farmonga ko‘ra shu yilning 4 apreli - Ro‘za hayiti (iyd-al-fitr) diniy bayram kuni, shuningdek, keyingi yillarda Ro‘za hayitining birinchi kuni dam olish kuni deb e’lon qilindi.

16 aprel. Toshkentda O‘zbekiston rassomlarining XIV s’yezdi ochildi.

28 aprel. Toshkentda O‘zbekiston teatr arboblarining ikkinchi s’yezdi bo‘lib o‘tdi.

28 aprel. O‘zbekiston Respublikasi Prezidenti Islom Karimov "Bozor munosabatlariga o‘tish sharoitida respublika ommaviy axborot vositalarini davlat tomonidan himoya qilishning birinchi navbatdagi chora-tadbirlar to‘g‘risida" Farmon chiqardi.

4 may. O‘zbekiston Respublikasi Prezidenti Islom Karimov "Fan va texnika sohasida Abu Rayhon Beruniy nomidagi O‘zbekiston Respublikasi Davlat mukofoti bilan taqdirlash to‘g‘risida" Farmon chiqardi.

7 may. Toshkentdagi Kinochilar uyida mustaqil O‘zbekiston birinchi pochta markasining taqdimot marosimi bo‘lib o‘tdi. Pochta markasida o‘zbek shoirasi Mohlaroyim - Nodira aks ettirilgan. Uning muallifi musavvir SH.Hasanovadir.

23 may. O‘zbekiston Respublikasi Prezidenti Islom Karimov "Navro‘z" xayriya jamg‘armasini tashkil etish to‘g‘risida" Farmon chiqardi.

29 may. Toshkentda O‘zbekiston ijodkor arboblar jamg‘armasining birinchi ta’sis konferensiyasi bo‘lib o‘tdi.

11-14 may. Toshkentda "O‘rta Osiyo va jahon sivilizatsiyasi" Xalqaro konferensiyasi bo‘lib o‘tdi.

12-23 may. Buxoroda "Abdurauf Fitrat hayoti va faoliyati" mavzuida ilmiy konferensiya bo‘lib o‘tdi.

28 may. O‘zbekiston Respublikasi Prezidenti Islom Karimov "O‘zbekiston qizil Yarimoy jamiyati to‘g‘risida" Farmon chiqardi.

Shu kuni O‘zbekiston Respublikasi Prezidentining "O‘zbekiston Respublikasi qizil Yarim oy jamiyatining o‘rnak ko‘rsatgan bir guruh tibbiyot xodimlari va faollarini mukofotlash to‘g‘risida" Farmoni qabul qilindi.

8 iyun. Toshkentda huquqshunoslarning Xalqaro seminari ochildi.

9 iyun. Toshkentda "Bilim" jamiyatining navbatdan tashqari XI s’yezdi bo‘lib o‘tdi. S’yezd respublika "Bilim" jamiyatini O‘zbekiston ziyolilarining ilmiy-ma’rifiy assotsiatsiyasiga aylantirish to‘g‘risida qaror qabul qildi.

24 iyun. Toshkentda O‘zbekiston Respublikasi Mudofaa vazirligining organi - "Vatanparvar" gazetasining birinchi soni bosmadan chiqdi.

5 iyul. O‘zbekiston Respublikasi Prezidenti Islom Karimov "Manila shahrida (Filippin) bo‘lib o‘tgan olimpiadada yuqori sport nati-jalariga erishganligi, shaxmatni rivojlantirishdagi faol ishtiroki uchun O‘zbekiston Respublikasining shaxmat bo‘yicha terma jamoasi a’zolarini mukofotlash to‘g‘risida" Farmon chiqardi.

Iyul. Toshkentda O‘zbekiston Fanlar akademiyasi tarkibida Genetika instituti tashkil etildi.

7 avgust. Toshkentda Iqtisodiyot va statistika ilmiy-tadqiqot instituti tashkil etildi.

28 avgust. O‘zbekiston Respublikasi Prezidenti Islom Karimov "O‘zbekiston Respublikasi mustaqilligining bir yilligi munosabati bilan sportchilarni taqdirlash to‘g‘risida" Farmon chiqardi.

31 avgust. Toshkentdagi "Nodirabegim" kinoteatrida rejissyor Davron Salimovning "Istiqlol" filmi namoyish etildi.



avgust. Shahrisazbda Amir Temur xotirasiga bag‘ishlangan o‘zbek milliy kurashi (buxorocha qoida) bo‘yicha birinchi Xalqaro musobaqalar bo‘lib o‘tdi, Musobakalarda O‘zbekiston, Rossiya, Gruziya, Turkmaniston, Tojikis-ton, qirg‘iziston va MDh ning boshqa mamlakatlaridan kelgan 400 dan ortiq kurash ustalari ishtirok etdi. Shahrisabzlik Abduqodir Pirmatov musobaqaning mutlaq g‘olibi bo‘ldi.

1 sentyabr. Toshkentda O‘zbekistonda birinchi marta texnika aviatsiya litseyi ochildi.

10 oktyabr. Toshkentda O‘zbekiston "Rus tili va adabiyoti" assotsiatsiyasining ta’sis konferensiyasi bo‘lib o‘tdi.

15 oktyabr. Toshkentda yuqori molekulyar birikmalar kimyosi bo‘yicha "O‘zbekiston Makro-92" mavzuida Xalqaro konferensiya o‘z ishini boshladi.

Oktyabr. Toshkentda O‘zbekistonda birinchi sharq tillari litseyi ochildi.

8-15 oktyabr. Toshkentda Osiyo, Afrika va Lotin Amerikasi mamlakatlarining XI Xalqaro kinofestivali bo‘lib o‘tdi. O‘zbekiston Respublikasi Prezidenti Islom Karimov festival qatnashchilariga tabrik bilan murojaat qildi.

3 noyabr. Toshkentda yosh vatandoshlar festivali ochildi. O‘zbekiston Respublikasi Prezidenti Islom Karimov festival ishtirokchilariga tabrik yo‘lladi.

3 noyabr. O‘zbekiston Respublikasi Vazirlar Mahkamasining "Bahouddin Naqshband tavalludining 675 yilligiga tayyorgarlik ko‘rish va o‘tkazish to‘g‘risida"gi Qarori e’lon qilindi.

Noyabr. O‘zbekiston jurnalistlar uyushmasi Xalqaro jurnalistlar tashkilotiga qabul qilindi.

25-26 noyabr. Toshkentda O‘zbekiston urologlarining birinchi s’yezdi bo‘lib o‘tdi. O‘zbekiston Respublikasi Prezidenti Islom Karimov s’yezd ishtirokchilariga tabrik yo‘lladi.

26 dekabr" Toshkentda bolalar miya falajini boshidan kechirgan no-gironlar uchun Respublikada birinchi "Umid" tibbiy-davolash markazi ochilganligi to‘g‘risidagi xabar e’lon qilindi.

Dekabr. Samarqand viloyatidagi Oqtosh shahrida O‘zbekistonda mashhur baxshi Islom shoir Nazar o‘g‘lining uy-muzeyi ochildi.

Dekabr. Malayziyada O‘zbek kinosi haftaligi bo‘lib o‘tdi.
TASHQI SIYOSAT

 


http://www.press-service.uz/img/menu/27/1992c.jpg

7 yanvar. O‘zbekiston Respublikasi bilan Xitoy Xalq Respublikasi o‘rtasida elchilar darajasida diplomatik munosabatlar o‘rnatish to‘g‘risi-dagi Kommyunike e’lon qilindi.

O‘zbekiston Respublikasi hukumati bilan Xitoy Xalq Respublikasi hukumati o‘rtasida savdo-iqtisodiy Bitim e’lon qilindi.


30 yanvar. Yevropa Xavfsizlik va hamkorlik Kengashi (YEXHK) bo‘yicha Pragada bo‘lib o‘tgan tashqi ishlar vazirlarining majlisida O‘zbekiston ushbu Xalqaro tashkilotga qabul qilindi.

31 yanvar. Shu kungacha O‘zbekiston Respublikasini mustaqil davlat sifatida 83 mamlakat rasman tan oldi. Bu haqda yanvarda Albaniya, Benin, Bolgariya, Botsvana, Burundi, Venesuela, Gabon, Gayana, Gvineya, Zimbabve, Iroq, Islandiya, Italiya, Kipr, Kuba, Laos, Livan, Liviya, Meksika, Malayziya, Nepal, Norvegiya, Portugaliya, Panama, Singapur, Filippin, Fransiya, Shvetsiya, Ekvador, Efiopiya, JAR, Yamayka ma’lum qildi.

2 fevral. O‘zbekiston Respublikasi Prezidenti Islom Karimov Davos (Shveytsariya)dagi umumjahon iqtisodiy anjumanida ishtirok etdi va unda nutq so‘zladi.

19 fevral. O‘zbekiston Respublikasi Prezidenti Islom Karimov Saudiya Arabistoni tashqi ishlar vaziri shahzoda Saud al-Feysal al-Saudni qabul qildi.

26 fevral. Xelsinkida (Finlyandiya) O‘zbekiston Respublikasi Pre-zidenti Islom Karimov O‘zbekiston nomidan Yevropada Xavfsizlik va hamkorlik Kengashining Xelsinki Yakuniy hujjatini imzoladi.

10 mart. Bryusselda Shimoliy Atlantika hamkorligi Kengashi (SHAhK)ning favqulodda majlisida O‘zbekiston Respublikasi shu tashkilot a’zoligiga qabul qilindi.

16 mart. Toshkentda - mustaqil O‘zbekistonda xorijiy davlatlarning birinchi elchixonasi - AQShning O‘zbekistondagi elchixonasi ochildi.

25 mart. O‘zbekiston Respublikasi Vazirlar Mahkamasi "O‘zbekiston Respublikasi Xalqaro madaniy-ma’rifiy aloqalar Milliy uyushmasini tuzish to‘g‘risida" qaror qabul qildi.

Ushbu uyushma xorijiy mamlakatlar bnlan do‘stlik va madaniy aloqalar O‘zbekiston jamiyati hamda xorijdagi vatandoshlar bilan aloqalar bo‘yicha "Vatan" jamiyati asosida tashkil etildi.

11-13 aprel. Prezident Islom Karimov boshchiligidagi O‘zbekiston Respublikasi delegatsiyasi rasmiy tashrif bilan Saudiya Arabistonida bo‘ldi.

27-28 aprel. Turkiya Respublikasi Bosh vaziri Sulaymon Demirel boshchiligidagi rasmiy delegatsiya O‘zbekistonga tashrif buyurdi.

30 aprel. O‘zbekiston Respublikasi Yevropa Tiklanish va taraqqiyot banki a’zosi bo‘ldi.

1 may. Bu vaqgga kelib, O‘zbekiston Respublikasi 29 davlat bilan dip-lomatik munosabatlar o‘rnatish bo‘iicha hujjatlarga imzo cheqdi, bu dav-latlar: Avstraliya, Avstriya, Belgiya5 Vengriya, Vyetnam, Gretsiya, Misr, Isroil, hitssiston, Ispaniya, Italiya, Xitoy, KXDR, Malayziya, Meksika, Mongoliya, Yangi Zelandiya, Ommon, Polsha, Rossiya, Saudiya Arabistoni, AQSH, Turkiya, Finlyandiya, Fransiya, GFR, Shvetsiya, Yaponiya,

15 may. Toshkentda Mustaqil Davlatlar hamdo‘stligi mamlakatlari rahbarlarining uchrashuvi bo‘lib o‘tdi.

29 shon-1 iyul, O‘zbekiston Respublikasi Prezidenti Islom Kari-mov Turkiyaga tashrif buyurdi va "Iqtisodiy hamkorlikning qora dengiz mintaqasi: Turkiya va O‘rta Osiye respublikalari" mavzuidagi Umumjahon iqtisodiy anjumani majlisi ishida ishtirok etdi.

6 iyul. O‘zbekiston Respublikasi Prezidenti Islom Karimov Mustaqil Davlatlar Hamdo‘stligi davlatlari rahbarlarining navbatdagi uchrashuvida ishtirok etdi.

8-10 iyul. O‘zbekiston Respublikasi Prezidenti Islom Karimov rasmiy tashrif bilan Finlyandiyaga bordi, bu yerda Prezident Yevropada Xavfsizlik va Hamkorlik Kengashi (YEXHK) ishida ishtirok etdi.

Iyul. Bu oyda O‘zbekistonda Turkiya, Eron, Pokiston, hindiston, Meksika, Jazoir, Yaponiya, Saudiya Arabistoni, Fransiya, Shri Lanka, Buyuk Britaniya, quvayt, Misr Arab Respublikasi; AqShning turli darajadagi delegatsiyalari bo‘ldi. O‘z navbatida, O‘zbekistondan ham yigirmaga yaqin turli darajadagi delegatsiyalar Turkiya, XXR, AqSH, Fransiya, Saudiya Arabistoni, Malayziya, Indoneziya, Singapur, KXDR, Eron, Afg‘oniston, Germaniya, Vengriyada bo‘lib, u yerlarda O‘zbekiston Respublikasini qiziqtiradigan masalalar bo‘yicha muzokaralar olib bordilar.

4 sentyabr. O‘zbekiston Xalqaro Geologiya ittifoqiga qabul qilingan-ligi haqida xabar e’lon qilindi.

30 sentyabr. Finlyandiya Respublikasining Prezidenti Mauno Koyvisto boshchiligidagi shu respublika delegatsiyasi rasmiy do‘stona tashrif bilan O‘zbekiston Respublikasiga keldi.

13 oktyabr. Toshkentda O‘zbekiston Respublikasi Prezidenti Islom Karimov bilan Afg‘oniston Islom Davlati boshlig‘i Burhonidsin Rab-boniy o‘rtasida oliy darajadagi muzokaralar bo‘lib o‘tdi. Shu kuni Tosh-kentda "O‘zbekiston Respublikasi bilan Afg‘oniston Islom Davlati o‘rtasida diplomatik aloqalar o‘rnatish to‘g‘risida"gi Protokol va "O‘zbekiston Respublikasi bilan Afg‘oniston Islom Davlati o‘rtasida hamkorlik va havo yo‘lini ochish to‘g‘risida"gi Memorandum imzolandi.

16 noyabr. Toshkentda Birlashgan Millatlar Tashkiloti bilan O‘zbe-kiston Respublikasi hukumati o‘rtasida O‘zbekistonda BMT vakolatxona-sini ochish to‘g‘risidagi Bitim imzolandi.



Do'stlaringiz bilan baham:
  1   2   3   4   5   6   7   8


Ma'lumotlar bazasi mualliflik huquqi bilan himoyalangan ©hozir.org 2017
ma'muriyatiga murojaat qiling

    Bosh sahifa