Давлат-ҳуқуқий фанлар кафедраси томонидан 2020/2021 ўқув йили баҳорги семестрида ўтиладиган Маъмурий процессуал ҳужжатлар модулидан тайёрланган якуний назорат учун

Ушбу вазият билан тўлиқ танишиб, қандай процессуал ҳужжат қабул қилиниши зарурлигини аниқланг ва ушбу процессуал ҳужжат (камида 1 та) намунасини тайёрланг.	М.Болтаев
10-мавзу
	2017 йил 19 май куни фуқаро О.Акбаров бандлик масаласида Меҳнат вазирлигининг Тошкент шаҳар Мирзо Улуғбек тумани бўлимига қилган мурожаатига жавобан мансабдор шахсларнинг ноқонуний хатти-ҳаракатларига дуч келди. О.Акбаров 2017 йил 22 май куни у мансабдор шахсларнинг ноқонуний хатти-ҳаракатлари устидан маъмурий судга ариза билан мурожаат қилди. 2017 йил 24 май куни Ўзбекистон Республикаси Президентининг “Бандлик соҳасида давлат сиёсатини янада такомиллаштириш ва меҳнат органлари фаолияти самарадорлигини тубдан ошириш чора-тадбирлари тўғрисида”ги ПФ-5052-сон Фармони билан Ўзбекистон Республикаси Меҳнат вазирлиги Ўзбекистон Республикаси Бандлик ва меҳнат муносабатлари вазирлиги этиб қайта ташкил этилди. Шу муносабат билан О.Акбаров 2017 йил 25 май куни Ўзбекистон Республикаси Бандлик ва меҳнат муносабатлари вазирлигининг Тошкент шаҳар Мирзо Улуғбек тумани бўлимининг хатти-ҳаракатлари устидан Мирзо Улуғбек тумани маъмурий судига бошқа ариза билан мурожаат қилди. Аммо, суд иш юритувида айни бир шахслар ўртасидаги, айни бир предмет тўғрисидаги ва айни бир асослар бўйича низо юзасидан иш мавжудлиги сабабли иккинчи аризани иш юритишга қабул қилишни рад этиш ҳақида ажрим чиқарди. Ажримдан норози бўлган О.Акбаров шикоят билан юқори турувчи судга мурожаат қилди. Мазкур ҳолат билан тўлиқ танишиб чиқинг ва ушбу вазият бўйича қандай ҳужжат қабул қилинишини таҳлил қилинг. Ушбу ҳужжатни белгиланган тартибда расмийлаштиринг ва камида 1 та ҳужжат намунасини тайёрланг.	М.Болтаев	8-мавзу
	2017 йил 2 ноябрь куни фуқаро Р.Даминов атроф муҳитни муҳофаза қилиш бўйича нодавлат нотижорат ташкилоти фуқароларнинг ўзини ўзи бошқариш органи қароридан норози бўлиб Тошкент шаҳар маъмурий судига мурожаат қилди. Аризада келтирилишича, Р.Даминов кечки пайт маиший чиқиндини елим халтага солган ҳолда белгиланган жойга олиб бориб ташлаш учун кўчага чиққан. Чиқинди ташлаш жойига кетаётиб йўлда хўжалик моллари сотиладиган дўконга кириб керакли нарсаларни харид қилмоқчи бўлган. Бироқ, дўконга қўлидаги чиқинди солинган халта билан киришни маъқул кўрмай дўкон яқинидаги ҳудудга халтани қўйган ва дўконга кириб кетган. Харидни якунлаб дўкондан чиқишда Р.Даминовни “Safe Envirionment”нинг ҳудудий филиалининг икки нафар вакили қарши олишди. Улар камера орқали Р.Даминовнинг хатти-ҳаркатларини кузатиб турганликлари, фуқаро чиқиндини тегишли жойга олиб бориб ташламаслиги экалогияга зарар етказишини айтиб ўтдилар. Р.Даминов дўконга қўлидаги чиқинди солинган халта билан киришни маъқул кўрмагани туфайли уни дўкон яқинидаги ҳудудга вақтинча ташлаб кириб кетганини айтди. “Safe Envirionment”нинг ҳудудий филиали вакиллари нега Р.Даминов дўкондан чиқишда чиқиндини қўйиб кетган жойга эмас, балки уйи жойлашган манзил томонга юриб кетаётганини сўрашди. Шунда Р.Даминов чиқиндини вақтинча қолдириб кетгани ёдидан кўтарилганини таъкидлади. Шунга қарамай “Safe Envirionment”нинг ҳудудий филиали вакиллари Р.Даминовнинг хатти-ҳаракати юзасидан тегишли фуқароларнинг ўзини ўзи бошқариш органига мурожаат қилдилар. Бунинг натижасида фуқароларнинг ўзини ўзи бошқариш органи томонидан Р.Даминовга табиий муҳитни ифлослантирлик учун энг кам ойлик иш ҳақининг 20 баравари миқдорида жарима солинди. Агар жарима тўланмаса милицияга хабар берилиши маълум қилинди. Судда Р.Даминовнинг адвокати фуқароларнинг ўзини ўзи бошқариш органи жисмоний ва юридик шахсларни жаримага тортишга ваколати йўқлигини айтиб ўтди. Кейинчалик суд муҳокамасида Р.Даминов аризада келтирилган талабдан воз кечишини айтди. Аммо, суд Р.Даминовнинг талабдан воз кечишини қабул қилмаслик ҳақида ажрим чиқариб ишни мазмунан кўришга қарор қилди. Мазкур ҳолат билан тўлиқ танишиб чиқинг ва ушбу вазият бўйича қандай ҳужжат қабул қилинишини таҳлил қилинг. Ушбу ҳужжатни белгиланган тартибда расмийлаштиринг ва камида 1 та ҳужжат намунасини тайёрланг.	М.Болтаев	8-мавзу

Кафедра мудири М.С. Болтаев