Давлат-ҳуқуқий фанлар кафедраси томонидан 2020/2021 ўқув йили баҳорги семестрида ўтиладиган Маъмурий процессуал ҳужжатлар модулидан тайёрланган якуний назорат учун

Ушбу вазият билан тўлиқ танишиб, қандай процессуал ҳужжат қабул қилиниши зарурлигини аниқланг ва ушбу процессуал ҳужжат (камида 1 та) намунасини тайёрланг.	М.Болтаев
8-мавзу
	2017 йил 18 август куни фуқаро А.Жасуров Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Андижон вилояти ҳудудий бошқармасининг хатти-ҳаракатларидан норози бўлиб маъмурий судга мурожаат қилди. Аризада келтирилишича, давлат қўмитасининг Андижон вилояти ҳудудий бошқармасига А.Жасуров Андижон вилояти Асака тумани Тиббиёт бирлашмаси балансида бўлган И.Бухорий кўчасида жойлашган ҳамда аввал 4-сонли тез тиббий ёрдам ва терапия бўлими жойлашган бинони сотиб олиш учун очиқ аукционда иштирок этиш мақсадида мурожаат қилган. Бироқ, А.Жасуровга бундай аукционда иштирок этиш рад этилган. Бунга сабаб сифатида паспортнинг яшаш жойи акс этган саҳифасининг нусхасининг тақдим этилмагани кўрсатилган. Суддан А.Жасуров Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг Андижон вилояти ҳудудий бошқармасининг хатти-ҳаракатларини қонунга зид деб топиб, ҳудудий бошқарма зиммасига А.Жасуровнинг ҳужжатларини қабул қилиб олиши ва очиқ аукционда иштирок этиш имкониятини бериш мажбуриятини юклашни сўради. Бундан ташқари, маъмурий иш судда ҳал этилгунга қадар давлат қўмитасининг ҳудудий бошқармаси томонидан Андижон вилояти Асака тумани Тиббиёт бирлашмаси балансида бўлган И.Бухорий кўчасида жойлашган ҳамда аввал 4-сонли тез тиббий ёрдам ва терапия бўлими жойлашган бинони кимошди савдосида сотишни таъқиқлашни сўради. Суд А.Жасуровнинг бундай илтимосини рад этди. Бунга жавобан А.Жасуров суд ажрими устидан апелляция тартибида юқори турувчи судга мурожаат қилди.