Давлат-ҳуқуқий фанлар кафедраси томонидан 2020/2021 ўқув йили баҳорги семестрида ўтиладиган Маъмурий процессуал ҳужжатлар модулидан тайёрланган якуний назорат учун

Ушбу вазият билан тўлиқ танишиб, қандай процессуал ҳужжат қабул қилиниши зарурлигини аниқланг ва ушбу процессуал ҳужжат (камида 1 та) намунасини тайёрланг.	Д.Артиков
2-мавзу
	Эскирган уйда яшовчи фуқаро С.Аҳмедов янги уй-жойга эга бўлиш мақсадида кўп квартирали уйлардаги квартираларни яшаш шароитларини яхшилашга муҳтож бўлган жисмоний шахсларга бириктириш масалаларини кўриб чиқиш бўйича Тошкент шаҳар Олмазор туман ҳудудий комиссияга тегишли ҳужжатларни топширмоқчи бўлди. С.Аҳмедов 2017 йил 15 февраль куни уй-жойнинг техник ҳолати тўғрисидаги кадастр маълумотномасини олиш мақсадида Олмазор тумани Ер ресурслари ва давлат кадастри бўлимига мурожаат қилди. С.Аҳмедовга ҳозирда бўлимда ишлар жуда кўплиги, ундан олдин кўплаб фуқаролар айни шу масалада мурожаат этганликлари айтилди. Шу сабабли унга кейинроқ идорага келиб учрашиш лозимлиги маълум қилинди. Аммо, кейинчалик С.Аҳмедов белгиланган санада Олмазор тумани Ер ресурслари ва давлат кадастри бўлимидан мурожаатига жавобан ҳеч қандай маълумотнома ололмади. С.Аҳмедов ноилож тегишли ҳужжатларни эскирган уйининг техник маълумотномасисиз ҳудудий комиссияга топширди. Ўрганиш натижалари бўйича ҳудудий комиссия томонидан С.Аҳмедовга кўп квартирали уйдаги квартирани бириктиришни рад этиш тўғрисидаги протокол қарорини қабул қилди. Қарордан норози бўлган С.Аҳмедов судга ариза билан мурожаат қилди. Маъмурий суд аризада кўрсатилган жавобгар − кўп квартирали уйлардаги квартираларни яшаш шароитларини яхшилашга муҳтож бўлган жисмоний шахсларга бириктириш масалаларини кўриб чиқиш бўйича Тошкент шаҳар Олмазор туман ҳудудий комиссияни Олмазор тумани Ер ресурслари ва давлат кадастри бўлимига алмаштиришмоқчи бўлди. Бу ҳақида С.Аҳмедовга маълум қилинди. Бироқ, С.Аҳмедов бунга розилик бермади.