Дастурларини амалиётга самарали жорий этиш Компетенциявий ёндашувга асосланган

Технология фанининг мақсади ўқувчиларда техник-технологик ҳамда технологик жараён давомида бажариладиган операциялар юзасидан олган билим, кўникма ва малакаларини мустақил амалий фаолиятида қўллаш, касб-ҳунар танлаш, миллий ва умуминсоний қадриятлар асосида ижтимоий муносабатларга кириша олиш компетенцияларини шакллантиришдан иборат.
Шу ўринда амалий фанлар таркибидаги “Меҳнат” фани “Технология” фан номи билан алмаштириш сабабини унда белгиланган мақсад орқали тахлил қилиш мумкин.

 Технология ўқув фанини ўқитишнинг асосий вазифалари

Умумий ўрта таълим муассасаларида технология ўқув фанини ўқитишнинг асосий вазифалари:
материаллар ва уларнинг хоссалари, хусусиятлари ҳамда техник объект ва технологик жараёнларга оид маълумотларни ўрганиш;
техник объект ҳамда технологик жараёнларда махсус ва умуммеҳнат операцияларини билиш;
технологик жараёнларни бошқариш, махсус ва умуммеҳнат операцияларини амалиётда қўллай олиш;
техник ва креактив фикрлашни, интеллектуал қобилиятларини шакллантириш;
технологик жараён ва тайёрланган маҳсулотларни бажариш кетма-кетлиги ҳамда маҳсулот сифатини таҳлил қила олиш;
буюм ва жараёнларни бажаришга оид хулосалар чиқариш ҳамда меҳнат операцияларини, маҳсулот сифатини баҳолай олиш;
oнгли рaвишдa касб танлашга тайёрлаш ишларини амалга оширишда таянч ва технология фанига оид компетенцияларни шакллантириш ҳамда ривожлантиришдан иборат.
Шунингдек, ҳар бир фаннинг мазмунидан келиб чиққан ҳолда фанга оид ва барча фанлар учун умумий таянч компетнциялар белгиланган.

Технология ўқув фанига оид компетенциялар

• Буюм ва маҳсулот турларини, уларни тайёрлаш ва ишлов бериш усулларини билиш, технологик лойиҳалаш ҳамда амалга ошириш компетенцияси.
• Психомотор, функционал, ҳамда амалий фаолият турларини бажаришдаги операцион компетенцияси.
• Тўғри ва онгли касб танлаш, ижтимоий муносабатларга кириша олиш компетенцияси

• Чизмачиликда қўлланиладиган термин ва тушунчаларни билиш ҳамда қўллай олиш компетенцияси
• Иш қуролларидан тўғри фойдаланиш ва чизмани кетма-кетликда тўғри бажариш компетенцияси

• Натуранинг характерли жиҳатларини кузатиш, таҳлил қилиш ва ифодалай олиш компетенцияси
• Тасвир ёки ҳайкалнинг босқичлари кетма-кетлигини тўғри бажариш компетенцияси