|
1905 – yilning iyun oyida, u bu ilmiy nazariyasini ‘’ Harakatlanayotgan jismlarninng elektrodinamikasi ‘’ mavzusi ostida nashr qildiradi.
Mazkur ixrito mashhur Nyuton qarashlarini yo’qqa chiqargan edi. ( Qysiki ikki yuz yil oldingi olam haqidagi g’oyalarini ). Nyuton olam va jismni mutloq va chambarchas bog’liq deb bilardi. Eynshteyn esa bu fikrlarni rad etgan holda, olam va jism turli vaziyatlarda, turlicha kayfiyat kasb etishini isbotlaydi.
Eynshteynning bu g’oyasi hozirgi kunda maxsus nisbiylik nazariyasi deb ataladi. Uning aynan maxsus deb atalishida gap bor. Sababi, bu aynan ma’lum bir narsaga oid, boshqacha qilib aytganda chegaralangan. Biror bir jismning harakatlanishini yoki qay darajadai tezlikda harakatlanayotganligini oddiy ko’z bilan ko’rib aniqlashning imkoni yo’q.
Fizika faniga nisbiylik nazariyasini kirib kelishi bu fanni yanada chuqurlashtirdi. Yigirmanchi asr boshlarida yaratilgan bu nazariya fizika tarixida alohida o’rin tutadi. Nisbiylik nazariyasini tub mohiyatini Eynshteyn zamondoshlarining juda kam qismiga to’laligicha tushina olgan. U umrining ko’p qismini aynan shu nazariya sir asrorlarini ochish va uni tushuntirishga bag’ishlagandi. Xo’sh, bu nazariyaning mazmun mohiyati nimada degan savol tug’ulishi tabiiy. Gap shundaki, Eynshteyn chuqur mulohaza va tajribalardan kelib chiqib, ‘’ Har qanday harakat nisbiydir, ya’ni kosmik kenglikda biror jismning harakatlanishi boshqa bir jismga nisbatan qayd etiladi ‘’. Degan xulosaga kelish mumkin.
Misol uchun, kimdir harakatlanib ketayotgan poyezd ichida, atrofdagi boshqa jismlar esa, harakatsiz. Yo’lda, piyoda ketayotgan boshqa birov uchun poyezd ichidagi odamlar ma’lum bir tezlikda harakatlanmoqda. Demak, harakatning mavjudligini harakatsiz boshqa bir jismga nisbatan aniqlash mumkin. Yana bir misol: Soatiga 100 km tezlikda ketayotgan avtomobilning tezligi undan tashqarida turgan harakatsiz jismga nisbatan 100 km/soat ekanligini bildiradi. Agar o’sha avtomobil 60 km/soat tezlikda ketayotgan ikkinchi avtomobilni quvib o’tsa, uning ikkinchi avtomobilga nisbatan tezligi 40 km/soatni tashkil etadi.
Eynshteyn izlanishda davom etdi. Uning nazariyasiga ko’ra, biror jismning harakati, harakat tezligini kuzatayotgan boshqa bir jismga bog’liq edi. Biroq, yorug’lik tezligi bundan mustasno. U hech qachon o’zgarmaydi. ( Yorug’lik tezligi sekundiga 299,792 ) uning tezligi bir xil, kuzatuvchi qaerda turganligi yoki qanday harakatlanayotganligini farqi yo’q. Eynshteyn harakatlanish vaqti va koinot harakatini tushintirib berishda yorug’lik tezligi hisob – kitoblaridan foydalanadi.
Uzoq yillar davomida u yorug’lik tezligi daraajasida sayohat qilish to’g’risida mushohada qiladi. Biroq, insoniyat bunga hanuz ojizligicha qolmoqda. Sababi, yorug’lik tezligi kabi tezlikda hech bir narsa harakatlana olmaydi. Shunga qaramay, nisbiylik nazariyasi boshqa olimlarga yorug’lik tezligiga yaqin tezlikda harakatlanadigan jismlar to’g’risida ish olib boorish imkonini yaratdi.
Sentabr oyida u o’zining beshinchi ilmiy maqolasini ham Annalen der physic jurnaliga yubordi. Maqola bor yo’g’i uch sahifadan iborat bo’lib, unda Eynshteyn o’zining nisbiylikka oid fikrlari bilan bir qatorda, katta tezlikdagi elektr toki massa aloqalarini ham yoritib berdi. U paytlarda odamlar massa va energiya alohida o’ziga xos xarakterli jismlar hisoblanardi. Biroq, Eynshteyn massa va energiya bir – biri bilan uzviy bog’liq degan xulosaga keladi. Energiya berayotgan massa miqdori kichiklashadi. U massa miqdorini o’lchash uchun maxsus matematik formula yaratdi.
Uning ixtirolarining eng muhimlaridan biri barcha massalarda katta bosimdagi energiya borligini aytishida edi. Mana uning mashhur formulasi: E = mc . E – energiya, M – massa, C – yorug’lik tezligi. Oradan yillar o’tib, aynan mana shu formula dunyodagi eng mashhur matematik formulaga aylandi. Aynan shu soddagina formula Fizika fanini chuqur o’rganishning asosiga aylandi desak mubolag’a bo’lmas. Mazkur formulasiz hech bir olim, atomni parchalanishini, yoxud atom bombasini ixtiro qilolmagan bo’lardi.
Do'stlaringiz bilan baham: |
