Darsning texnologik xaritasi mavzu

MASHQLAR BAJARISH

Mashqlarni bajarishda har bir so'roq olmoshi qaysi ma'noni ifodalashi, talab qilayotgan javob tahlil qilinishi kerak.

Masalan: 91 -mashq. Nuqtalar o'rniga so'roq olmoshlaridan mosini qo'yib, gaplarni daftaringizga ko'chiring. Savollarga javob berishga harakat qiling.

1. 
   Boku... davlatning poytaxti hisoblanadi?
   
2. 
   Qo'rqma, yuraging yorilmasin,... yotibsan?
   
3. 
   Ketsang, yana ... kelasan?
   
4. 
   Bobo,... odobli? Menmi yoki Shuhratmi, ayting, axir?
   
5. 
   01, sen ... yemaysan? - dedi Vaziraga.
   

Nuqtalar o'rniga qo'yilishi kerak bo'lgan so'roq olmoshlari va javoblar quyidagilar: 1. nechta. 2. qaysi. 3. nega. 4. qachon. 5. Nima uchun.

Oldin o'tgan darslarga bog'lash maqsadida ikkinchi, to'rtinchi va beshinchi savollar javobi shakl va ma'no munosabatiga ko'ra qanday so'zlarni hosil qilinayotgani ham izohlanadi.

93- mashq. Matnni o'qing. So'roq gaplarni topib, ifodalanish usullarini tushuntirib bering.

Sobir buvajonini o'zining kutilmagan, ba'zan esa qiyin savollari bilan ajablantirib, hatto shoshirib ham qo'yardi.

Bir kuni buvasining yelkasida bog'chaga ketayotgan Sobir, o'zim yuraman, deb yerga tushdi. Chopqillayman deb qoqilaverdi. Shunda buvasi:

-Ko'zingga qarab yur, bo'tam, -degandi, Sobir:

-Ko'zimga nima bilan qarayman,-deb buvasini kuldirdi.

Boshqa safar u buvasidan so'rab qoldi:

-Aql nimada, buvajon!

-Aql ...-Nodir buva o'ylab olib, dedi:-Bu-es-hush. Miyada bo'ladi.

-Miyada bo'lsa, uni qanaqa qilib yeb bo'ladi?

-Kimdan eshitding buni?

-Oyim aytdi-ku: «Aqlingni yeb qo'yibsan!» deb.

Bu ham Nodir buvaning soqolini selkillatib kulishiga sababchi bo'ldi.