Dars mavzusi: Suv-hayot manbayi Darsning maqsadi: Ta’limiy maqsadi

Dars uslubi: “Zanjir”, “Klaster” usullari, rolli o’qish.
Dars jihozi: mavzuga oid rasmlar, tarqatmali materiallar.


Dars rejasi
Tashkiliy qism - 2 daqiqa
Takrorlash - 8 daqiqa
Yangi mavzu - 15 daqiqa
Yangi mavzuni mustaxkamlash - 15 daqiqa
Darsni yakunlash va javoblarni baholash - 3 daqiqa
Uyga vazifa - 2 daqiqa
DARSNING BORISHI:
I. Tashkiliy qism. (2daqiqa)
O’qituvchining o’quvchilar bilan salomlashishi, o’quv xonasining tozaligini, o’quvchilarning darsga tayyorgarligini (o’quv qurollari, tashqi ko’rinishi) ko’zdan kechirish, davomatni tekshirish.
II. O’tilgan mavzularni so’rash. (8 daqiqa) O’tilgan darslar yuzasidan o’quvchilar bilimini savol-javob asosida aniqlash, uy vazifasini so’rash, o’tkan mavzularni takrorlash orqali ularni yodga solish, yangi yod olgan so’zlarni yoddan aytib berish orqali ularni baholash.
III. Yangi mavzu bayoni (15 daqiqa)
1. Nutqiy mavzu: mavzu yuzasidan “Suv-bebaho xazina” matni “BBB” usuli orqali o’qib, o’quvchilar yangi mavzu bilan tanishadilar va Suv nima uchun xazinaga o’xshatilganligi haqida so’zlab beradilar, fikr almashadilar.
2. Grammatik mavzu: boshqa harakatning bajarilishi yoki bajarilmasligi uchun shart bo’lgan harakatni ifodalashda -sa, shart mayli qo’shimchasi qo’llaniladi. Masalan: Atrofga e’tiborli bo’lsak, boyliklarimiz, sog’lig’imizni saqlab qolamiz. Tabiatni asramasak juda ko’p narsalarni yo’qotamiz. Shart maylidagi fe’llar bo’lishli va bo’lishsiz shaklida quyidagicha tuslanadi.
Birlik: I. asrasam, asramasam II.asrasang, asramasang, III. asrasa, asramasa
Ko’plik: I. asrasak, asramasak, II. Asrassangiz, asramasangiz, III. asrasalar, asramasalar
IV. Yangi mavzuni mastahkamlash. (15 daqiqa) Mavzuga doir “Klaster” usulini qo’llash.
1. 2-topshiriq (yozma) berilgan jadvalni davom ett. va bir kunda qancha suv ichishni aniqlang.
2. 4-mashq (yozma) qavs ichida berilgan fe’llarni shart maylida yozib, gaplarni ko’chiring.
3. 3-topshiriq (og’zaki) vaziyatli test topshiriqlarini o’qing va ularga javob bering.
4. 4-topshiriq (o’gzaki) maqollarning mazmunini tushuntiring.
Bir kishi ariq qaziydi, ming kishi suv ichadi
Suv-zar, suvchi-zargar