Dangasa qirollar

KABALEROS (isp. caballeros) – o’rta asrlar Ispaniyasida ritsarlik. Rekonkistaning boshlang’ich davrlarida o’z hisobidan qurollangan otliq askarlar shunday atalgan.

KALVINIZM- XVI asrda yuzaga kelgan reformatsiya natijasida katolik cherkovidan ajralib chiqqan protestant oqimlaridan biri. Tashkil topishi Jan Kalvin nomi bilan bog’liq. Protetantlik Angliya, Shotlandiya, Gollandiya, Italiya, Germaniya, Fransiya, Vengriya va Polshada keng tarqalgan. Kalvinizm XVI-XVII asrlardagi burjua revolyutsiyalarining g’oyaviy quroli hisoblangan.

KAMIKADZE (yapon.ayni manosi xudolar shamoli) – o’limiga rozi bo’lgan ko’ngilli yapon uchuvchisi, 2-jahon urushi davrida dushmanning kema, tank va boshqa obyektlariga qarshi safarbar qilingan.

KARAVELLA (ital. caravella) – O’rta yer dengizi havzasi mamlakatlarida XIII-XVII asrlarda keng tarqalgan bir palubali va tumshuq hamda quyruq qismlarida yelkanlari bo’lgan kema. Yelkanni shakliga qarab 2 xil karavellani farqlashadi: Karavella – latina - barcha machtalarida qiyshiq yelkanli, Karavella – redonda – fok va grot-machtalarida to’g’ri yelkanlar, bizan – machtada qiyshiq yelkan.

KARDINAL (lot. cardinalis – bosh so’zidan) – katolik cherkovi ierarxiyasida Rim papasidan keyin, yepiskopdan oldin turuvchi ruxoniy. Kardinallar papaning cherkovni boshqarish sohasidagi eng yaqin maslaxatchilari va yordamchilari hisoblanadi hamda shu lavozimga papa tomonidan tayinlanadi.

KARTULYARIYALAR (kechki lot. Chartularium, lot. Charta – yorliq so’zidan) – o’rta asrlarda G’arbiy Yevropada yer tortiq etish huquqiy jihatdan rasmiylashtirilgan yorliqlar, nusxalar to’plami. VII asrdan XIV asrgacha yirik monastirlarda lotin tilida tuzilgan. Kartulyariyalar muhim tarixiy manba sanaladi. Ulardagi malumotlar turli ijtimoiy qatlamlar yer mulki miqdori va tarkibini o’rganish, qaram dehqonlar majburiyatlari turlarini aniqlash va boshqalarda qo’l keladi.

KATARLAR (yun. -poklar)- G`arbiy Yevropada XI-XIV-asrlardagi bidadchilik sektalaridan biri. Katarlar aqidalari bogomilchilikdan olingan. Katarlar 2 asos yaxshilik (xudo) va yomonlik (iblis), jon va tananing mavjudligi to`g`risidagi dualistik ta`limotga amal qilishgan. Ular Isoning o`limi va tirilishi haqidagi aqidalarni tan olishmgan, krest, kaliso ikonalarni kerak emas deyishgan.