Д. Раҳматуллаева, У. Ходжаева, Ф. Атаханова

6-расм 
Либос вуаллар, ток типидаги шляпалар, узун лайкали қўлқоплар, аксарият 
холларда бармоқларсиз қўлқоплар билан тўлдирилган. 
Пойафзал. Туфли — очиқ, текис, теридан ва паст пошнали. 
 
 

---

112 
1830—1860 йиллар либоси. Моданинг кескин ўзгариши. 
1830 йил Германия, Франция ва бошқа европа мамлакатларида 
санъатдаги бош йўналиш романтизм бўлди. Унинг эстетик идеали –
мустақилликни, курашни, иш юритиш ва ташкил этишни чин дилдан истовчи 
кучли шахс. Ушбу оқимга ўтмишни, асосан ўрта асрларни идеаллаштириш
характерлидир.
Инсон ташқи кўриниши ва либосида романтизм таъсири орқали 
кўтаринкилик, эҳтирос, орзумандлик, хаёлпарастлик, эргаштириш сингари 
сифатлар кўзга ташланади.
Эркаклар либоси ассортименти ва асосий формалари ўзгармаган холда 
қолди. Асосий эътибор қўшимчаларга, қимматбаҳо жун, юпқа каноп 
матоларга бўлди. Бал учун кийиладиган фракларга бархат, жилетларга турли 
рангдаги парча матолар қўлланилди. Ўрта асрлардаги узун плаш ва учли 
туфлилар яна урф бўлди.
Аёллар либосида юқори қисми ва тирсак чизиғи кенг енгли, пастга 
туширилган елка, узун кенгайтирилган юбка ва бел ингичка қилиб тортилган 
қаттиқ корсетли кўйлаклар устунлик қилди (7-расм). Ёрқин атлас, бархатдан 
тикилган бундай либослар ленталар, тўрлар, қўшэтаклар билан безалган. 
Уларни хашаматли безаклар, хусусан, туяқуш патлари, гуллар, заргарлик 
безаклари, вуалли бош кийимлар безаб, тўлдириб турар эди.
Романтик либосда аёллар ва эркаклар силуэти деярли бир хил: кенг елка, 
кенгайтирилган енглар, кўкракни, белни қаттиқ сиқиб туриш, бўкса 
чизиғининг кенглиги етакчилик қилади. 
40-50 йилларда эркаклар либосида бир қанча ўзгаришлар содир бўлади. 
Амалийлик, мақсадлилик бу даврда ғалаа қилиб, қопсимон силуэт ҳаётга 
кирди. Фрак тантанавор кийимга айланади. Кундалик кийимда фрак ўрнига 
анча қулай, ёпиқ, тугмаланадиган сюртук кириб келди. 60-йилларга келиб эса 
сюртукни пиджакка (ўтмишда ов либосининг бир қисми бўлган) 
алмаштиришади. Уни шим ва жилет билан бир хил матодан тика бошлашади. 
Ундан ҳам аввалроқ эркаклар устки кийимида калта, тўғри силуэтли пальто 

---

113 
пайдо бўлди (8-расм). Ранглар гаммаси бирмунча чекланган, у тўқ ранглар 
(кўк, жигарранг, яшил, қора) дан иборат. Матолардаги расмлар – катак ва 
ингичка чизиқ. Ёзги ассортимент асосан кулранг, оқ ва қаймоқ ранглардан 
иборат.