D. A. Axatova X. Alikulova m. Tukmurodova

Savollarga asoslanuvchi suhbatni tashkil etish. Mazkur holatda o’quvchilarga quyidagi savollar bilan murojaat qilinadi:

1. 
   O’simliklar hujayrasi qanday qismlardan iborat?
   
2. 
   Hujayra protoplasti qanday qismlar majmuaidan tashkil topgan?
   
3. 
   Hujayra qobig’i qanday vazifani bajaradi?
   

IY. “Qora quti” texnologiyasi yordamida o’zlashtirilgan tushunchalarni mustahkamlash.

Ushbu texnologiya vositasida juftlik asosida quyidagi harakatlar tashkil etiladi: o’quvchilar navbat bilan “O’qituvchi” rolini bajaradi. Sinf taxtasiga tsitoplazma, mag’iz, vakuol, plastida, to’qima kabi atamalar yoziladi, dastlab “O’qituvchi” rolidagi o’quvchi qayd etilgan ro’yxatga hujayra mohiyatini yorituvchi asosiy tushunchalar kiritilganligini tekshiradi. So’ngra o’quvchilardan sinf taxtasida o’z ifodasini topgan atamalarga izoh berishni so’raydi, to’g’ri javob bera olgan o’quvchi “O’qituvchi” rolini bajaradi. O’quvchilar bu bosqichdagi faoliyatlari uchun ham nazorat varag’ining ikkinchi pog’onasiga o’zlari uchun baho qo’yadi.

Y. “Beshinchisi ortiqcha” texnologiyasi yordamida mavjud bilimlarni mustahkamlash.

O’quvchilarga quyidagi vazifani bajarish topshiriladi: berilgan tushunchalar ro’yxatidan mavzuga taalluqli bo’lmagan tushunchalarni aniqlang va ularni ro’yxatdan chiqaring, harakatlaringiz mohiyatini izohlang!

Tushunchalar: nafas olish, o’sish, ko’payish, oziqlanish, yugurish.