D. A. Axatova X. Alikulova m. Tukmurodova

II. Savol-javoblar asosida suhbat tashkil etish. O’quvchilarga quyidagi savollar beriladi:

1. 
   O’.Hoshimovning hayoti haqida nimalarni bilib oldingiz?
   
2. 
   Adib tomonidan qanday asarlar yaratilgan?
   
3. 
   “Dunyoning ishlari” asar qanday janrda yozilgan?
   
4. 
   Asarning asosiy qahramonlari kimlar?
   
5. 
   Asarda onalarga xos bo’lgan qanday fazilatlar ifoda etilgan?
   
6. 
   Asar bilan tanishish natijasida qanday taassurotlarga ega bo’ldingiz?
   

II. “Qora quti” texnologiyasi yordamida o’zlashtirilgan tushunchalarni mustahkamlash.

Texnologiya asosida quyidagi harakatlar tashkil etiladi: o’quvchilar juftlikka birikadi va ularga adib O’.Hoshimovning hayoti haqida ma’lumot beradigan tushunchalarni kartochkalarga qayd etish vazifasi yuklanadi. O’qituvchi topshiriqning guruhlar tomonidan qanday bajarilganligini tekshiradi, uni to’g’ri bajargan juftlikning bir a’zosi o’qituvchi rolini bajaradi va yozuv taxtasiga quyidagi tarixiy sanalarni yozadi: 1941 yil, Toshkent shahri, Do’mbirobod mahallasi, O’zbekiston Xalq yozuvchisi, O’zbekiston Respublikasi Oliy Majlisining deputati.

So’ngra o’quvchilardan bu tushunchalar nimani anglatishini so’raydi, to’g’ri javob bera olgan o’quvchi “O’qituvchi” rolini ijro etadi. Navbatdagi bosqichda o’quvchilardan adib tomonidan yaratilgan oltita asarning nomini kartochkalarga yozish so’raladi. “O’qituvchi” rolini bajarayotgan o’quvchi o’qituvchi yordamida topshiriqning juftliklar qanday bajarganini tekshiradi va yozuv taxtasiga quyidagi tushunchalarni yozadi: “Bahor qaytmaydi”, “Ikki eshik orasi”, “Nur borki, soya bor”, “Tushda kechgan umrlar”, “Dunyoning ishlari”, “Urushning so’nggi qurboni”. “O’qituvchi” rolidagi o’quvchi tengdoshlaridan tushunchalarning ma’nosini so’raydi.

III. “3G’3” texnologiyasi yordamida o’zlashtirilgan bilimlarni mustahkamlash.

O’quvchilarga quyidagi vazifani bajarish topshiriladi: berilgan tushunchalar ro’yxatidan O’.Hoshimov tomonidan yaratilmagan asar nomini aniqlang va ularni ro’yxatdan chiqaring, harakatlaringiz mohiyatini izohlang!

Tushunchalar: “Tushda kechgan umrlar”, “Jannat qidirganlar”, “Ufq”, “Ikki eshik orasi”, “Bahor qaytmaydi”, “Yodgor”.

IY. “Tafakkur cho’qqisi” texnologiyasi yordamida o’zlashtirilgan bilimlarni mustahkamlash.

O’quvchilarga mavzu yuzasidan mantiqiy fikrlashni talab etuvchi quyidagi savollar beriladi:

1. 
   Sizlar qanday fikrdasizlar: nima uchun asar “Dunyoning ishlari” deb nomlangan?
   
2. 
   Sizlarning fikringizcha, bolaning tushida o’z onasining chiroq ko’tarib yurganini ko’rishi nimani anglatadi?
   
3. 
   Aytinglar-chi, allaning qudrati nimada?
   
4. 
   Adibning “... dunyodagi hamma onalar yaxshi!” degan so’zlarining ma’nosini qanday izohlaysizlar?