Ctrl+F или ⌘-f (для MacOS) и введите запрос в поле поиска. Мавзу: бухгалтерия баланси

II бўлим бўйича жами (сатр 490+600)	770
Баланс пассиви бўйича жами (сатр 480+770)	780

11.2. Бухгалтерия ҳисоби ҳисобварақларини туркумларга ажратиш ва ҳисобварақлар режаси. Синтетик ва аналитик ҳисобварақлар тизими, уларнинг ўзаро боғлиқлиги.
Корхона баланси муайян вақт даври учун бухгалте­рия ҳисоби ҳисобвараклари бўйича ўтказилган хўжа­лик муомалаларига доир йиғма маълумотларнигина акс эттиради. Кундалик ва жорий фаолиятда балансда йиғ­ма рақамлар олиш учун корхонада хўжалик воситалари ҳолати ҳамда харакати тўғрисида бутун батафсил ахборот акс этадиган ва жамулжамликда бухгалтерия ҳисо­би ҳисобварақлари тизимини ташкил этадиган ҳисоб­варақлар қўлланилади.
Ҳисобварақлар — бухгалтерия ҳисобининг асосий элементларидан бири бўлиб, бухгалтерия ҳисоби объектларини иқтисодий гуруҳлаш усули, хўжалик муома­ласини бажариш давомида моддий воситалар ва пул маблағлари ҳаракатини, уларнинг ҳолати ва ҳосил бўлиш манбаларини акс эттиришдир. Бухгалтерия ҳисоби объектининг ҳар бир тури учун алоҳида ҳисобварақ очилади, унда маблағлар кирими — дебети ва чиқими — кредити акс эттирилади. Ҳисобварақлар бўйича ёзувлар якун-лари оборотлар, дебет ва кредит оборотлари ўртасидаги тафовут эса сальдо (колдиқ) деб аталади.
Бухгалтерия ҳисобида ҳар бир ҳисобварақ корхона бухгалтерия бўлимига келиб тушаётган бирламчи ҳужжатлар асосида хўжалик муомалалари бўйича ҳаракатларни назорат қилиш ва унда акс эттириш учун мўлжалланган.
Ҳисобварақнинг кўриниши чизма тарзида қуйидагича акс эттирилади:
Ҳисобварақнинг номи
Дебет Кредит
Бухгалтерия балансига мувофиқ, ҳисобвараклар 2 га бўлинади: актив ва пассив ҳисобвараклар. Актив ҳисобварақлар деб, хўжалик маблағларининг ҳолати ва ўзгаришини ҳисобга оладиган ҳисобварақларга, пассив ҳисобварақлар деб, маблағларнинг келиб чиқиш манбаларининг ҳолати ва ҳаракатини ҳисобга оладиган ҳисобварақларга айтилади.