Covid-19 bilan bog’liq pandemiya sharoitida ijodkorlar tafakkuridagi o’zgarishlar va ularning asarlarida so’z ijodkorligi masalasi abstrakt

Ernazarova Iroda

doctorate researcher

Samarkand state university

UZBEKISTAN

[e-mail]

COVID-19 BILAN BOG’LIQ PANDEMIYA SHAROITIDA IJODKORLAR TAFAKKURIDAGI O’ZGARISHLAR VA ULARNING ASARLARIDA SO’Z IJODKORLIGI MASALASI

Abstrakt. Tadqiqotda pandemiya sharoitida ijodkorlarning tafakkurida va so’z qo’llash jarayonida yuzaga kelgan o’zgarishlarga e’tibor qaratilib muallif so’z ijodkorligi va mualliflik so’zlarini lisoniy-kognitiv jihatdan tahlil qilishning ahamiyati va dolzarbligi yoritilgan. Ijodkorning so‘z qo‘llash mahorati tilshunoslikda har doim alohida o‘rganiladigan tushunchalardan biri bo‘lib kelgan. Chunki ijodkorning til birligidan qanday foydalanishi uning individual mahoratini belgilab beradi. Muallif so’z ijodkorligi tushunchasi aynan shu terminga nisbatan ishlatiladigan muqobillarning eng yorqin ifoda beruvchisi ekanligi nazariy asoslangan. Muallif so’z ijodkorligini tadqiq etish til so’zligi(lug’ati)ni boyitishi, tilning jozibasini oshirishi masalasiga e’tibor qaratilgan. Muallif so’z ijodkorligini tushunish uchun ijodkorning ichki olami va borliq haqidagi o’ylari, tafakkur darajasini tushunish muhim sanaladi. Shu bois kognitiv tahlil masalaning to’liq mohiyatini anglashda muhim ekanligi ishda aniq misollar bilan ochib berilgan. Ijodkor aynan qanday holatda va qanday ehtiyoj tufayli til lug’atida mavjud bo’lmagan (tasodifiy, g’ayriodatiy) birlikka murojaat qilishi kognitiv jihatdan ochib berilgan va shu masala lisoniy tahlilning asosi ekanligiga urg’u berilgan.