Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
80
эгалигига топшириш имкониятини кўзда тутувчи ҳар қандай 
келишувлар ўз-ўзидан ҳақиқий эмас деб ҳисобланиши, қонун 
ҳужжатларида назарда тутилган ҳоллар, шунингдек гаров билан 
таъминланган мажбуриятнинг воз кечиш ҳақи ёки янгиланиши 
сифатида малакаланиши мумкин бўлган келишувлар бундан 
мустасно (Фкнинг 342, 347-моддалари) эканлиги ҳақида тушунтириш 
берилган .
Шу боис Ҳайъат тарафлар ўртасида тузилган келишув битими 
қонун талабларига зид равишда тузилганлигини инобатга олиб, 
келишув битимини тасдиқлаш ҳақидаги ажримни бекор қилишни, 
ишни мазмунан кўриш учун биринчи инстанция судига ўтказишни 
лозим топган .
3.2. Ундирувни гаров нарсасига суд тартибида қаратишда 
суднинг қарорида гаровдаги мол-мулкнинг номи, жойлашган 
жойи кўрсатилиши лозим.
“Халқ банки” АТБ ва “Уста” МЧЖ ўртасида 2016 йил 10 июнда
20-сонли кредит шартномаси тузилган бўлиб, унга кўра “Халқ банки” 
АТБ “Уста” МЧЖга йиллик 15 фоиз тўлаш шарти билан 12 ой муддатга 
эҳтиёт қисмлар сотиб олиши учун 2 000 000 000 сўм кредит ажратиш, 
“Уста” МЧЖ эса олинган кредитдан фойдаланиб, кредит ва унга 
ҳисобланган фоизларни шартномага илова қилинган график асосида 
қайтариш мажбуриятини олган .
кредит қайтарилишининг таъминоти сифатида “Халқ банки” 
АТБ ва “Уста” МЧЖ ўртасида 2016 йил 12 июнда тузилган ипотека 
шартномасига асосан “Уста” МЧЖга тегишли бўлган Тошкент вилояти, 
Бекобод тумани, А .Қодирий кўчасида жойлашган “Маъмурий бино” 
ва “Омборхона”дан иборат кўчмас мулк 2 400 000 000 сўмга ўзаро 
баҳоланиб, гаровга қўйилган .
кредит шартномасида “Уста” МЧЖ олинган кредит суммаси
ва унга ҳисобланган фоизларни ойма-ой тўлов жадвали асосида 
тўлаб бориш мажбуриятини олган . Бироқ тўловни ўз вақтида амалга 
оширмаган .

---