Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
81
Шу сабабли “Халқ банки” АТБ судга даъво аризаси билан 
мурожаат қилиб, “Уста” МЧЖдан 2 000 000 000 сўм асосий қарз
ва 200 000 000 сўм фоиз ундиришни ҳамда ундирувни гаровга 
қўйилган мулкларга қаратишни сўраган .
Биринчи инстанция судининг 2017 йил 4 январдаги ҳал қилув 
қарори билан даъво талаблари қисман қаноатлантирилган, “Уста” 
МЧЖдан “Халқ банки” АТБ фойдасига 200 000 000 сўм ундирилиб, 
ундирув гаровга қўйилган мулкларнинг бир қисмига қаратилган . 
Биринчи инстанция суди ҳал қилув қарори қабул қилинган 
кун ҳолатига кредит ва унга ҳисобланган жами 2 000 000 000 сўм 
қарздорлик “Уста” МЧЖ томонидан сўндирилганлигини инобатга 
олиб, “Уста” МЧЖдан “Халқ банки” АТБ фойдасига 200 000 000 сўм 
асосий қарз ундириш ҳақида асосли хулосага келган бўлса-да, 
бироқ, ҳал қилув қарорининг хулоса қисмида ипотека шартномасида 
кўрсатилган мулкларнинг қайси бирига қаратилганлигини кўрсат-
маган, унинг кимошди савдосидаги бошланғич сотув баҳосини 
белгиламаган .
Ваҳоланки, ипотека шартномасида “Уста” МЧЖга тегишли бўлган 
Тошкент вилояти, Бекобод тумани, А .Қодирий кўчасида жойлашган 
“Маъмурий бино” 1 600 000 000 сўм ва “Омборхона” биноси 
800 000 000 сўм, жами 2 400 000 000 сўмга ўзаро баҳоланиб, гаровга 
қўйилган .
Фк 281-моддасининг учинчи қисмига мувофиқ гаровга қўйилган 
мол-мулкнинг кимошди савдоси бошланадиган вақтдаги бошланғич 
сотиш баҳоси ундирув суд тартибида мол-мулкка қаратилган 
ҳолларда суд қарори билан ёки бошқа ҳолларда гаровга олувчининг 
гаровга қўювчи билан келишуви натижасида белгиланади .
Ундирувни гаров нарсасига суд тартибида қаратишда суднинг 
қарорида гаровдаги мол-мулкнинг номи, жойлашган жойи, 
гаров шартномасида кўрсатилган миқдордаги бошланғич сотув 
баҳоси кўрсатилиши лозим . Бу ҳақда Ўзбекиcтон Реcпубликаcи 
Олий cуди Пленуми ва Олий хўжалик суди Пленумининг “кредит 
шартномаларидан келиб чиқадиган мажбуриятлар бажарилишини 
таъминлаш тўғрисидаги фуқаролик қонун ҳужжатларини 
қўллашнинг айрим масалалари ҳақида” 2006 йил 22 декабрдаги 

---