Cover page obzor iqtisodiy-last 7B. cdr

3-боб. Кредит, гаров (ипотеКа), лизинг ва суғурта шартномалари
билан боғлиқ ишлар бўйича суд амалиёти
89
Тарафлардан бирининг талаби билан шартнома суд томонидан 
иккинчи тараф шартномани жиддий равишда бузган ҳолларда 
ўзгартирилиши ёки бекор қилиниши мумкин .
Бироқ кредит шартномасини муддатидан олдин бекор қилиш, 
муддати келмаган қарздорликни солидар тартибда ундириш, 
ундирувни гаровдаги мулкларга қаратиш, гаров мулкларининг 
кимошди савдосидаги бошланғич сотув баҳосини белгилаш учун 
асос бўлган ҳолатлар банк томонидан тегишли далиллар асосида 
исботлаб берилмаган .
Шу боис Ҳайъат ҳал қилув қарорини асосли равишда ўзгаришсиз 
қолдиришни лозим топган .
3.6. тарафлардан бирининг талаби билан шартнома
суд томонидан иккинчи тараф шартномани жиддий
равишда бузган ҳолларда ўзгартирилиши ёки бекор 
қилиниши мумкин.
“Жамғармабанк” АТБ ва “Машҳур” МЧЖ ўртасида 2014 йил
15 майда 207-сонли кредит шартномаси тузилган бўлиб, унга кўра 
“Жамғармабанк” АТБ “Машҳур” МЧЖга йиллик 18 фоиз тўлаш 
шарти билан 36 ой муддатга қурилиш моллари сотиб олиши учун 
40 000 000 сўм кредит ажратиш, “Машҳур” МЧЖ эса “Жамғармабанк” 
АТБ томонидан ажратилган кредитни шартномада белгиланган 
мақсадларга ишлатиш ва кредитни қайтариш жадвалига асосан 
кредитни тўлиқ қайтариш ҳамда унга ҳисобланган фоизларни тўлиқ 
сўндириб бориш мажбуриятини олган .
Бирок “Машҳур” МЧЖ шартнома мажбуриятларини тўлиқ 
бажармаган, кредит ва унга ҳисобланган фоизтўловларини ўз 
вақтида амалга оширмаган .
“Жамғармабанк” АТБнинг кредит ва унга ҳисобланган фоизларни 
қайтариш, акс ҳолда кредит шартномаси бекор қилиниб, ундирув 
гаров мулкига қаратилиши ҳақида юборган талабномалари 
оқибатсиз қолдирилган, қарздорликни сўндириш чоралари 
кўрилмаган .

---