Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
75
2.15. Агар мажбуриятни бажармаганлик ёки лозим даражада 
бажармаганлик учун неустойка белгиланган бўлса, зарарнинг 
неустойка билан қопланмаган қисми тўланади, агар қонун 
ҳужжатларида ёки шартномада ўзгача тартиб назарда 
тутилган бўлмаса.
“Жасур” фермер хўжалиги ва “Пахта” АЖ ўртасида пахта 
хомашёсини сотиб олиш тўғрисида контрактация шартномаси 
тузилган бўлиб, унга кўра “Жасур” фермер хўжалиги “Пахта” АЖга 
2014 йил ҳосилидан жами 280 тонна пахта хомашёсини етказиб 
бериш, “Пахта” АЖ эса шартномада белгиланган тартибда пахта хом–
ашёсининг тўловларини ўз вақтида тўлаш, шу жумладан маҳсулот 
қабул қилиб олингандан сўнг шартномада белгиланган маҳсулот 
умумий қийматининг 80 фоизини бўнак маблағлари, терим учун 
юборилган маблағлар ва бошқа ҳисоб-китоблар чегирилган ҳолда 
қолган қисми бўйича солиштирма далолатнома имзолангандан бир 
ой кейин тўловни амалга ошириш мажбуриятини олган .
“Жасур” фермер хўжалиги томонидан шартнома шартлари 
тўлиқ бажарилиб, 280 тонна пахта хомашёси “Пахта” АЖга топши-
рилган .
Бироқ “Жасур” фермер хўжалиги етказиб берган пахта хомашёси 
учун тўлов “Пахта” АЖ томонидан амалга оширилмаган .
Шу сабабли “Жасур” фермер хўжалиги судга даъво аризаси 
билан мурожаат қилиб “Пахта” АЖдан 140 000 000 сўм асосий қарз, 
100 000 000 сўм пеня ва 10 000 000 сўм зарар ундиришни сўраган . 
Биринчи инстанция судининг 2016 йил 12 февралдаги ҳал қилув 
қарори билан даъво қисман қаноатлантирилган . “Пахта” АЖдан 
“Жасур” фермер хўжалиги фойдасига 100 000 000 сўм асосий қарз, 
40 000 000 сўм пеня ва 800 000 сўм зарар ундирилган .
Биринчи инстанция суди томонидан даъво талабининг
100 000 000 сўм асосий қарз, 40 000 000 сўм пеня ундириш ҳақида 
тўғри хулосага келган бўлса-да, “Пахта” АЖдан “Жасур” фермер 
хўжалиги фойдасига 800 000 сўм зарар ундириш ҳақида нотўғри 
хулосага келган .

---