Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
73
Ушбу талабномага “Ҳамкор” хусусий фирмаси 2016 йил 24 июлда 
76-сонли хат билан жавоб йўллаб, унда “Ҳамкор” хусусий фирма-
сининг ҳисоб рақамида пул маблағи йўқлиги сабабли шартнома 
шартларини бажара олмаслигини маълум қилган .
Шу сабабли “Ясмин” МЧЖ судга даъво аризаси билан мурожаат 
қилиб, “Ҳамкор” хусусий фирмаси тўловдан бош тортаётганлиги 
важи билан ундан “Хўжалик юритувчи субъектлар фаолиятининг 
шартномавий-ҳуқуқий базаси тўғрисида”ги Ўзбекистон Республикаси 
Қонуни 32-моддасининг биринчи қисмига асосан шартнома 
баҳосининг 15 фоизи миқдорида, яъни 600 000 сўм жарима 
ундиришни сўраган .
“Хўжалик юритувчи субъектлар фаолиятининг шартномавий-
ҳуқуқий базаси тўғрисида”ги Ўзбекистон Республикаси Қонуни 
32-моддасининг биринчи қисмига мувофиқ тўлов талабномаси 
акцептини асоссиз равишда бутунлай ёки қисман рад этганлик, 
шунингдек ҳисоб-китобнинг бошқа шаклларида товарлар (ишлар, 
хизматлар) ҳақини тўлашдан бош тортганлик (банк муассасасига 
тўлов топшириқномасини тақдим этмаганлик, чек бермаганлик, 
аккредитивни тақдим этмаганлик ва ҳоказо) учун сотиб олувчи 
(буюртмачи) маҳсулот етказиб берувчига ўзи тўлашни рад этган ёки 
бош тортган сумманинг 15 фоизи миқдорида жарима тўлайди .
Биринчи инстанция судининг 2016 йил 9 октябрдаги ҳал қилув 
қарори билан даъво талаби тўлиқ қаноатлантирилган . “Ҳамкор” 
хусусий фирмасидан “Ясмин” МЧЖ фойдасига 600 000 сўм жарима 
ундирилган .
Суд даъво талабини қаноатлантириш учун қайд этилган Қонун 
32-моддасининг биринчи қисмига асосланиб нотўғри хулосага келган .
Чунки Ўзбекистон Республикаси Олий хўжалик суди Пленумининг 
“Хўжалик юритувчи субъектлар фаолиятининг шартномавий-
ҳуқуқий базаси тўғрисида”ги Ўзбекистон Республикаси Қонунини 
хўжалик судлари амалиётида қўллашнинг айрим масалалари ҳақида” 
2002 йил 4 мартдаги 103-сонли қарори 12-бандининг биринчи 
хатбошисида Қонуннинг 32-моддаси биринчи қисмини қўллашда 
судлар қарздорнинг ҳақиқатда товарлар (ишлар, хизматлар) 
ҳақини тўлашдан бош тортганлиги ҳолатларини (жумладан, тўлаш 

---