Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
69
“Шамс” МЧЖ “Лобар” фермер хўжалигига 2016 йил 23 феврал-
даги 7-сонли тўлов топшириқномасига асосан 45 000 000 сўм,
2016 йил 25 февралдаги 11-сонли тўлов топшириқномасига асосан 
30 000 000 сўм, жами 75 000 000 сўм ўтказиб берган .
“Шамс” МЧЖ судга даъво аризаси билан мурожаат қилиб, 
“Лобар” фермер хўжалиги томонидан етказиб берилган пишган ғишт 
маҳсулотининг 28 000 000 сўмлик қисми сифатсиз эканлиги важи 
билан ушбу сумманинг 20 фоизи, яъни 5 600 000 сўм миқдорида 
жарима ундиришни сўраган .
Биринчи инстанция судининг 2017 йил 7 январдаги ҳал қилув 
қарори билан даъво талаби тўлиқ қаноатлантирилган . “Лобар” 
фермер хўжалигидан “Шамс” МЧЖ фойдасига 5 600 000 сўм жарима 
ундирилган .
Суднинг бундай хулосага келишига вилоят Давлат архитектура 
ва қурилиш назорати ҳудудий инспекциясининг 2016 йил 5 мартдаги 
70-сонли баённомаси асос бўлган .
Ҳақиқатдан ҳам, “Хўжалик юритувчи субъектлар фаолиятининг 
шартномавий-ҳуқуқий базаси тўғрисида”ги Ўзбекистон Республикаси 
Қонуни 26-моддасининг биринчи қисмига мувофиқ агар етказиб 
берилган товарлар, бажарилган ишлар ёки кўрсатилган хизматлар 
сифати, ассортименти ва нави бўйича стандартлар, техник шартлар, 
намуналарга (эталонларга) қонун ҳужжатларида ёки хўжалик 
шартномасида белгиланган бошқа мажбурий шартларга мос келмаса, 
сотиб олувчи (буюртмачи) товарларни (ишларни, хизматларни) 
қабул қилиш ҳамда уларнинг ҳақини тўлашни рад этиб, етказиб 
берувчидан (пудратчидан) сифати, ассортименти ва нави лозим 
даражада бўлмаган товарлар (ишлар ва хизматлар) қийматининг
20 фоизи миқдорида жарима ундириб олишга, агар товарлар 
(ишлар ва хизматлар) ҳақи тўлаб қўйилган бўлса, тўланган суммани 
белгиланган тартибда қайтаришни талаб қилишга ҳақлидир . Бу 
ҳақда, Ўзбекистон Республикаси Олий хўжалик суди Пленумининг 
“Тегишли даражада сифатли бўлмаган маҳсулот (товар)ларни етказиб 
бериш билан боғлиқ бўлган низоларни ҳал қилиш тартиби тўғрисида” 
2007 йил 28 декабрдаги 174-сонли қарорининг 5 ва 6-бандларида 
тушунтириш берилган .

---