Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
67
деб топишни, битимни ҳақиқий эмаслиги оқибатларини қўллаб, 
“Мадина” хусусий корхонасидан объектни институт балансига олиб 
беришни сўраган .
Биринчи инстанция судининг 2017 йил 25 октябрдаги ҳал қилув 
қарори билан даъво тўлиқ қаноатлантирилган .
Суднинг бундай хулосага келишига низоли объект ионловчи 
нурланиш мавжуд бўлган объект сифатида Ўзбекстон Республикаси 
Соғлиқни сақлаш вазирлиги ва “Саноатгеоконтехназорат” давлат 
инспекциясида махсус рўйхатда бўлганлиги, ушбу ҳолат Ўзбекистон 
Республикаси Фавқулотда вазиятлар вазирлиги томонидан 2017 йил 
11 апрелда низоли объектда радиация текшируви ўтказилганда унда 
ионловчи нурланиш юқорилиги юзасидан тузилган далолатнома 
асос бўлган .
Чунки “Давлат тасарруфидан чиқариш ва хусусийлаштириш 
тўғрисида”ги Ўзбекистон Республикаси Қонуни 4-моддаси иккинчи 
қисмининг 6-бандига кўра ионловчи нурланиш манбаларидан 
фойдаланиб илмий-тадқиқот, тажриба-конструкторлик ишларини 
олиб борувчи, рентген ускуналари, асбоб-ускуналар ва жиҳозларни 
ишлаб чиқиш, тайёрлаш ва реализация қилишни амалга оширувчи 
корхоналар ва объектлар; давлат тасарруфидан чиқарилмайди
ва хусусийлаштирилмайди .
Фк 116-моддасига мувофиқ қонун ҳужжатларининг талабла рига 
мувофиқ келмайдиган мазмундаги битим, шунингдек ҳуқуқ-тарти-
бот ёки ахлоқ асосларига атайин қарши мақсадда тузилган битим 
ўз-ўзидан ҳақиқий эмасдир . Бундай битимга нисбатан ушбу кодекс 
114-моддасининг иккинчи қисмида назарда тутилган қоидалар 
қўлланилади .
Фк 114-моддасининг иккинчи қисмига мувофиқ битим ҳақиқий 
бўлмаганида тарафларнинг ҳар бири бошқасига битим бўйича олган 
ҳамма нарсани қайтариб бериши, олинган нарсани аслича (шу 
жумладан олинган нарса мол-мулкдан фойдаланиш, бажарилган 
иш ёки кўрсатилган хизмат билан ифодаланганда) қайтариб бериш 
мумкин бўлмаганида эса, агар битим ҳақиқий эмаслигининг бошқа 
оқибатлари қонунда назарда тутилган бўлмаса, унинг қийматини пул 
билан тўлаши шарт .

---