Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
66
2.11. Ионловчи нурланиш манбаларидан фойдаланиб 
илмий-тадқиқот, тажриба-конструкторлик ишларини
олиб борувчи, рентген ускуналари, асбоб-ускуналар
ва жиҳозларни ишлаб чиқиш, тайёрлаш ва реализация 
қилишни амалга оширувчи корхоналар ва объектлар
давлат тасарруфидан чиқарилмайди ва 
хусусийлаштирилмайди.
Ўзбекистон Республикаси Хусусийлаштирилган корхоналарга 
кўмаклашиш ва рақобатни ривожлантириш Давлат қўмитаси 
вилоят бошқармаси (бундан буён матнда бошқарма деб юритилади) 
ҳузурида фаолият кўрсатувчи доимий комиссиянинг 2012 йил
4 декабрдаги 85-сонли умумий йиғилиш қарорида Ўсимликларни 
ҳимоя қилиш институти (бундан буён матнда “институт” деб 
юритилади) балансидаги Бухоро вилояти, Қоракўл тумани, С .Айний 
МФЙда жойлашган умумий майдони 8 458,9 кв .м . бўлган сунъий 
иқлим яратиш лаборатория корпусини (бундан буён матнда “объект” 
деб юритилади) баҳолаш ҳисоботига асосан 150 000 000 сўм 
миқдорида Республика кўчмас мулк биржасининг вилоят бўлимида 
биржа савдолари орқали сотувга чиқарилиши таклиф этилган .
Бошқарма ва “Мадина” хусусий корхонаси ўртасида 2013 йил 
26 февралда биржа савдолари ғолибига мулкий ҳуқуқни бериш 
юзасидан тузилган 18-сонли олди-сотди шартномасига асосан объект 
“Мадина” хусусий корхонасига 150 000 000 сўмга сотилган .
Бироқ объект ионловчи нурланиш мавжуд бўлган объект 
сифатида Ўзбекистон Республикаси Соғлиқни сақлаш вазирлиги
ва “Саноатгеоконтехназорат” давлат инспекциясида махсус рўй-
хатда турганлиги аниқланган . Шу сабабли Ўзбекистон Республи-
каси Хусусийлаштирилган корхоналарга кўмаклашиш ва рақобатни 
ривожлантириш Давлат қўмитаси (бундан буён матнда даъвогар деб 
юритилади) “Мадина” хусусий корхонаси ва бошқармага нисбатан 
судга ариза билан мурожаат қилиб улар ўртасида 2010 йил 26 фев-
ралда тузилган 18-сонли олди-сотди шартномасини ҳақиқий эмас 

---