Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
72
Шартнома шартларига асосан “Саховат” АЖ “камрон” МЧЖга 
умумий қиймати 12 000 000 сўм бўлган ун маҳсулотини етказиб 
берганлиги ишдаги мавжуд ҳисобварақ-фактуралар, ишончномалар, 
“Саховат” АЖнинг мансабдор шахсларига нисбатан қўзғатилган 
жиноят иши доирасида “камрон” МЧЖ фаолияти юзасидан ўтказилган 
текшириш натижаларига кўра расмийлаштирилган далолатнома 
билан ҳам тасдиқланган .
Шу боис Ҳайъат қайд этилган ҳолатларни инобатга олиб, ҳал қи-
лув қарорини бекор қилишни, даъво талабини тўлиқ қаноатлан-
тириш ҳақида янги қарор қабул қилишни лозим топган .
2.14. бурчли тараф шартномада белгилаб қўйилган 
мажбуриятни бажармаган ёки мажбурият белгиланган 
муддатда бажарилмаслигини очиқ кўрсатиб турган вазият 
мавжуд бўлган тақдирда, муқобил ижрони ўз зиммасига 
олган тараф ўз мажбуриятини бажармай туришга ёки бу 
мажбуриятни бажаришдан бош тортишга ва кўрилган 
зарарни тўлашни талаб қилишга ҳақли.
“Ясмин” МЧЖ билан “Ҳамкор” хусусий фирмаси ўртасида
2016 йил 16 июлда 37-сонли шартнома тузилган бўлиб, унга кўра 
“Ясмин” МЧЖ “сотувчи” “Ҳамкор” хусусий фирмаси “сотиб олувчи”га 
умумий қиймати 4 000 000 сўм бўлган реклама плакатини сотиш, ўз 
навбатида, “Ҳамкор” хусусий фирмаси маҳсулотни қабул қилиш ҳамда 
шартномада белгиланган муддатда унинг ҳақини тўлаш мажбурия-
тини олган .
Шартноманинг 3 .5-бандида “Ясмин” МЧЖ маҳсулотни 100 фоиз тўлов 
амалга оширилган кундан 5 кун ичида етказиб бериши, 3 .6-бандида эса 
“Ҳамкор” хусусий фирмаси шартнома имзоланган кундан 5 кун муддат 
ичида маҳсулот учун 100 фоиз тўловни амалга ошириши белгиланган .
“Ясмин” МЧЖ “Ҳамкор” хусусий фирмасига талабнома юбориб, 
шартнома шартларини бажаришни ва сотиб олинадиган маҳсулот 
учун олдиндан 100 фоиз тўловни амалга оширишни сўраган . 

---