Cover page obzor iqtisodiy-last 7B. cdr

2-боб. Олди-сОтди, маҳсулОт етказиб бериш ва кОнтрактация
шартнОмалари билан бОғлиқ ишлар бўйича суд амалиёти
71
қилинган маҳсулотнинг миқдори, сифати ва нави инобатга олинган 
ҳолда амалга оширилиши белгиланган .
“Саховат” АЖ “камрон” МЧЖ 2015 йил 2 май куни ҳолатига 
умумий қиймати 12 000 000 сўмлик ун маҳсулотини етказиб берган .
“камрон” МЧЖ эса қабул қилиб олинган ун маҳсулоти учун 
қисман, яъни 5 000 000 сўмни тўлаб, қолган 7 000 000 сўм тўловни 
амалга оширмаган . 
“камрон” МЧЖ шартномада зиммасига олган мажбуриятларни 
лозим даражада бажармаган, қабул қилиб олинган ун маҳсулоти 
ҳақини тўламаган ва бу ҳақдаги “Саховат” АЖнинг талабномаларини 
оқибатсиз қолдирган .
Шу сабабли “Саховат” АЖ судга даъво аризаси билан мурожаат 
қилиб, “камрон” МЧЖдан 7 000 000 сўм асосий қарз ундиришни 
сўраган .
Биринчи инстанция судининг 2016 йил 7 июлдаги ҳал қилув 
қарори билан даъво талабини қаноатлантириш рад этилган .
Суд даъво талабини қаноатлантиришни рад этиш учун “камрон” 
МЧЖ ва “носир-н” МЧЖ ўртасида 2015 йил 26 июлда тузилган 
“Қарздорлик мажбуриятини бошқа шахсга ўтказиш тўғрисида”ги 
6-сонли шартномага асосланиб нотўғри хулосага келган .
Чунки Фк 322-моддасининг биринчи ва иккинчи қисмларига 
мувофиқ қарздорнинг ўз қарзини бошқа шахсга ўтказишига фақат 
кредиторнинг розилиги билан йўл қўйилади . Янги қарздор кредитор 
билан дастлабки қарздор ўртасидаги муносабатларга асосланган 
барча эътирозларни кредитор талабига қарши қўйишга ҳақли .
Бироқ “камрон” МЧЖ ва “носир-н” МЧЖ ўртасида 2015 йил
26 июлда тузилган қарздорлик мажбуриятини бошқа шахсга ўтка-
зиш тўғрисидаги 6-сонли шартнома “Саховат” АЖнинг иштирокисиз 
тузилган .
Қолаверса “Саховат” АЖ ва “камрон” МЧЖ ўртасида 2014 йил
16 июнда тузилган 56-сонли шартноманинг 4 .4-бандида ушбу 
шартнома юзасидан келиб чиқадиган дебитор қарздорликларни 
тарафлар талабдан бошқа шахс фойдасига воз кечиш ёки қарзни 
бошқа шахсга ўтказиш бўйича битимлар тузиш йўли билан бартараф 
қилишларига йўл қўйилмаслиги белгиланган .

---