Cover page obzor iqtisodiy-last 7B. cdr

ИҚТИСОДИЙ ИШЛАР БЎЙИЧА 
СУД АМАЛИЁТИ
70
Бироқ, “Шамс” МЧЖ томонидан “Лобар” фермер хўжалиги 
ҳақиқатда 112 500 000 сўмлик эмас, балки 28 000 000 сўмлик пишган 
ғишт маҳсулотлари етказиб берилганлиги, ушбу етказиб берилган 
маҳсулотларнинг сифатсизлиги вилоят Давлат архитектура ва қури-
лиш назорати ҳудудий инспекциясининг 2016 йил 5 мартдаги 
70-сонли баённомаси билан ўз тасдиғини топганлигини асос қилиб, 
ушбу сумманинг 20 фоизи миқдорида, яъни 5 600 000 сўм жарима 
ундиришни сўраган бўлса-да, бироқ, баённомада айнан 28 000 000 
сўмлик пишган ғишт маҳсулотининг сифатсизлиги акс эттирилмаган .
Қолаверса, 2016 йил 2 августда имзоланган ўзаро ҳисоб-китоб 
таққослаш далолатномасида “Лобар” фермер хўжалиги эмас, балки 
“Шамс” МЧЖ “Лобар” фермер хўжалигидан сотиб олинган пишган 
ғишт маҳсулоти учун мавжуд 23 640 000 сўмлик қарздорлигини тан 
олган .
“Лобар” фермер хўжалигидан 5 600 000 сўм жаримани талаб 
қилиш учун асос бўлган 28 000 000 сўмлик пишган ғишт маҳсулотининг 
сифатсизлиги “Шамс” МЧЖ томонидан исботлаб берилмаган .
Шу боис Ҳайъат қайд этилган ҳолатларни инобатга олиб, ҳал 
қилув қарорини бекор қилиб, даъвони қаноатлантиришни рад этиш 
ҳақида янги қарор қабул қилишни лозим топган . 
2.13. қарздорнинг ўз қарзини бошқа шахсга ўтказишига 
фақат кредиторнинг розилиги билан йўл қўйилади.
“Саховат” АЖ ва “камрон” МЧЖ ўртасида 2014 йил 16 июнда
ун маҳсулоти етказиб бериш тўғрисида 56-сонли шартнома тузил-
ган бўлиб, унга кўра “Саховат” АЖ “камрон” МЧЖга биринчи навли 
100 тонна ун маҳсулоти етказиб бериш, “камрон” МЧЖ маҳсулотни 
қабул қилиш ҳамда шартномада белгиланган муддатда ва тартибда 
ҳақини тўлаш мажбуриятини олган .
Шартноманинг 3 .1-бандида шартноманинг тахминий баҳоси
12 000 000 сўмни ташкил қилиши, 3 .2-бандида эса ушбу шартнома 
имзоланган кундан бошлаб, 60 календарь куни давомида “камрон” 
МЧЖ 15 фоиз тўловни амалга ошириши, якуний ҳисоб-китоб қабул 

---