Cover page namunalar app curves cdr

А Ж Р И М
(судьяни рад қилиш тўғрисидаги аризани қаноатлантириш ҳақида)
2018 йил 10 апрель куни__________ -сонли маъмурий ишни__________
туман маъмурий суди ўз биносида,
суд раиси И.Равшановнинг раислигида,
Ч.Махмудованинг 
котиблигида, __________ туман 
прокурори
ёрдамчиси С.Хасанбоев, аризачи С.Қувончбоев, жавобгар вакили
К.Расулов иштирокида, аризачи С.Ахмаджановнинг__________ туман
ФҲДЁ бўлимининг қарорини ҳақиқий эмас деб топиш тўғрисида- 
ги шикояти бўйича юритилаётган ишни кўраётган И.Равшановни рад 
қилиш тўғрисидаги жавобгарнинг аризасини очиқ суд мажлисида 
кўриб чиқиб, қуйидагиларни
А Н И Қ Л А Д И :
Аризачи Ахмаджонов Салим Обидович (бундан буён матнда 
аризачи деб юритилади) судга шикоят аризаси билан мурожаат қилиб,
__________ туман ФҲДЁ бўлими (бундан буён матнда жавобгар деб
юритилади)нинг 2017 йил 20 майдаги 1865-сонли қарорини ҳақиқий 
эмас деб топишни сўраган.
Биринчи инстанция судининг 2018 йил 2 февралдаги ҳал қилув 
қарори билан арз қилинган талаб қаноатлантирилган.
Кассация инстанцияси судининг 2018 йил 25 мартдаги ажрими 
билан биринчи инстанция судининг ҳал қилув қарори бекор қилиниб, 
иш янгидан кўриш учун биринчи инстанция судига юборилган.
Ишни мазмунан кўриш бошланишидан олдин жавобгар судьяни 
рад қилиш тўғрисида ариза билан мурожаат қилиб, унда судья 
И.Равшанов иш муқаддам биринчи инстанция судида кўрилганида 
суд мажлиси котиби сифатида иштирок этганлиги, бу эса Ўзбекистон 
Республикаси Маъмурий суд ишларини юритиш тўғрисидаги кодекси 
21-моддасининг 2-бандига асосан судьяни рад этишга сабаб бўлиши 
важ қилиб келтирилган.
Суд мажлисида жавобгар вакили аризани қўллаб-қувватлашини 
маълум қилиб, аризани қаноатлантиришни сўради.
Аризачи судьяни рад қилиш масаласини ҳал этишни судга ҳавола 
қилишини маълум қилди.
Суд тарафлар вакилларининг тушунтиришларини, прокурорнинг
181

---

судьяни рад этиш тўғрисидаги аризани қаноатлантириш ҳақидаги 
фикрини тинглаб, қуйидагиларга кўра аризани қаноатлантиришни 
лозим топади.
Ўзбекистон Республикаси Маъмурий суд ишларини юритиш тўғ- 
рисидаги кодекси 24-моддасининг иккинчи қисмига кўра ишни якка 
тартибда кўраётган судьяни рад қилиш тўғрисидаги масала суд раиси, 
бир таркибли судда эса шу судья томонидан ҳал қилинади.
__________ туман маъмурий суди бир таркибли суд бўлганлиги учун
судьяни рад қилиш тўғрисидаги аризани шу судьянинг ўзи ҳал қилади.
Судья И.Равшанов 2018 йил 1 мартга қадар__________ туман маъ-
мурий судида судья катта ёрдамчиси лавозимида ишлаган. Ушбу иш
__________ туман маъмурий судида мазмунан кўрилиш жараёнида у
ишда суд мажлиси котиби сифатида иштирок этган. Бу ҳолат биринчи 
инстанцияси судининг суд ҳужжатлари ва баённомалари билан ўз 
тасдиғини топган.
Ўзбекистон Республикаси Маъмурий суд ишларини юритиш тўғ- 
рисидаги кодекси 21-моддасининг 2-бандига асосан судья мазкур иш 
илгари кўрилганда унда прокурор, эксперт, мутахассис, таржимон, суд 
мажлиси котиби, вакил ёки гувоҳ сифатида иштирок этган бўлса, ишни 
кўришда иштирок этиши мумкин эмас ва у рад қилиниши лозим. Шу 
боис суд жавобгар вакилининг аризасини қаноатлантиришни лозим 
топади.
Юқорида баён этилганлардан келиб чиқиб, Ўзбекистон Республи- 
каси Маъмурий суд ишларини юритиш тўғрисидаги кодексининг 21, 24, 
168 ва 169-моддаларини қўллаб, суд
А Ж Р И М Қ И Л Д И:
__________ туман ФҲДЁ бўлимининг судьяни рад қилиш тўғрисидаги
аризаси қаноатлантирилсин.
Судья И.Равшанов рад қилинсин.
Суд раиси 
И.Равшанов

---