Цитология эмбриология проф. Қ. Р. Тўхтаев таҳрири остида

Моноцитопоэз.
Моноцитлар макрофаг ҳужайраларининг илк босқичи 
бўлиб, суяк кўмигидаги ўзак ҳужайралардан ривожланади. Моноцитопоэз 
қуйидаги ҳужайра босқичларини босиб ўтади: 
ўзак ҳужайра 

 
миелопоэзнинг бошланғич ҳужайраси 

монобласт

промоноцит

моноцит 
(қонда) 

тўқима моноцити

макрофаглар.
Монобласт ҳужайраси ўз тузилиши билан миелобластни эслатади, 
бироқ ундан фарқланиб, ядросида ботиқлик бўлади ва у ядрога ловиясимон 
шаклни беради. Цитоплазма базофил бўялиб, унда кам сонли азурофил 
доначалар кўринади. Электрон микроскоп остида промоноцитлар 
цитоплазмасининг эндоплазматик тўр каналчаларига, митохондрияларга ва 
турли катталикка эга бўлган вакуолаларга бой эканлиги аниқлангаи. 
Шунингдек, цитоплазмада катталиги 0,2-0,5 мкм келадиган электрон зич 
доначалар ҳам учрайди. Улар ѐруғлик микроскопида кўринадиган азурофил 
доначаларга мос келади. Монобластлардан моноцитлар ҳосил бўлгунча 
ҳужайралар 7-8 марта бўлинади. Етук моноцитлар қонда уч суткагача 
айланиб юради, сўнгра тўқималарга ўтиб, макрофагларга айланади. 
Лимфоцитопоэз.
Лимфоцитопоэз схема тарзида бундай ифодаланади: 
ўзак ҳужайра

 
лимфоцитопоэзнинг бошланғич ҳужайраси

Т, Б-

---

176 
лимфоцитларнинг бошланғич ҳужайраси

Т,-Б-лимфобласт 

Т-, Б-
пролимфоцит 

Т,Б-лимфоцит.
Лимфобласт тузилиши жиҳатидан бошқа бласт ҳужайраларига жуда 
яқин туради. Улар юмалоқ ѐки овал шаклга эга бўлиб, цитоплазмаси базофил 
бўялади. Лимфобластлар бирмунча дағал хроматинга эга бўлган ядро сақлаб, 
ядрочалари кам сонли бўлади. 
Пролимфоцитлар ядросида хроматин анча зичлашган, дағалроқ бўлиб, 
электрон 
микроскопда 
ядродаги 
ботиқликнп 
кўриш 
мумкин. 
Пролимфоцитлар ва лимфобластлар цитоплазмасида жуда кўп сонли эркин 
ҳолда жойлашган рибосома ва полисомалар, суст ривожланган Голжи 
комплекси ва кам сонли митохондриялар учрайди. Лимфобластлардан 
лимфоцитлар ҳосил бўлгунча ҳужайралар бир неча бор митотик бўлинади. 
Лимфоцитларнинг умумий етилиш даври тахминан 2 сутка давом этади. Бир-
биридан фарқ қилувчи Т-лимфоцитлар ва Б-лимфоцитлар системаси 
аниқланиши билан лимфоцитопоэз процесси ана шу нуқтаи назардан кўриб 
чиқиладиган бўлди. Т-лимфоцитлар бўқоқ безида ишлаб чиқарилиб, Б-
лимфоцитлар қушларда фабриций халтачасида, одамларда эса суяк кўмигида 
ишланади. Ҳар икки лимфоцитларнинг ўзига хос вазифалари бўлиб, улар 
биргаликда организмда маълум иммунологик ҳолатни таъминлайди.