Цитология эмбриология проф. Қ. Р. Тўхтаев таҳрири остида

Ўпканинг респиратор бўлими.
Бу бўлимнинг морфологик бирлиги 
ўпканинг ацинуси ҳисобланади. Ацинусларнинг умумий сони 150 000 
яқин.Улар респиратор бронхиоладан бошланади. Биринчи тартибдаги 
респиратор бронхиола иккинчи тартибдаги бронхиолага, у эса учинчи 
тартибдаги бронхиолага бўлинади. Учинчи тартибдаги респиратор бронхиола 
алвеоляр йўллар бўлинади, ҳар бир алвеоляр йўл эса алвеоляр қопчалар 
билан тугайди (расм 14.9). 

---

594 
Расм 14.9. Ўпка ацинуси: 
1-
терминал бронхиола 
2-
биринчи 
тарибли 
респиратор 
бронхиола
3-
иккинчи 
тартибли 
респиратор 
бронхиола
4-
учинчи 
тартибли 
респиратор 
бронхиола
5-
алвеоляр йўллар
6-
алвеола қопчалари
7-
алвеолалар 
Алвеоляр қопчалар эса алъвеолалардан ташкил топган. Ацинуслар бир-
биридан бириктирувчи тўқима орқали ажралиб туради. 12-18 ацинус эса ўпка 
бўлагини ҳосил қилади. 
Терминал бронхиолалардан фарқли равишда, респиратор бронхиолалар 
деворида алвеолалар жойлашиб, уларнинг бўшлиғи бронхиола ичига 
очилади. Респиратор бронхиолалар бир қаторли кубсимон эпителий билан 
қопланган бўлиб, уларда киприкли ҳужайралар кам, аксинча секретор Клар 
ҳужайралари кўпроқ учрайди, мушак пластинкаси ўта юпқалашган бўлиб, 
циркуляр жойлашган айрим силлиқ мушак ҳужайраларидан иборат (расм 
14.10). Респиратор бронхиоланинг адвентициал қаватининг бириктирувчи 
тўқимали толалари ўпканинг интерстициал тўқимаси билан қўшилиб кетади.

---

595 
 
Расм 14.10. Ўпка. Респиратор 
бўлим.
1 - терминал бронхиола, 1.1 - бир 
қаватли 
кубсимон 
киприкли 
эпителий, 
1.2 
– 
хусусий 
пластинка, 1.2.1 - силлиқ мушак 
ҳужайралар, 2 – респиратор 
бронхиола, 2.1 - бир қаватли 
кубсимон эпителий, 2.2 - хусусий 
пластинка. 2.2.1 - силлиқ мушак 
ҳужайралар, 2.3 – алвеола, 3 - 
алвеоляр йўл: 3.1 – алвеола, 3.2 – 
силлиқ мушак тутамлари, 4 - 
алвеоляр қопча, 4.1 – алвеолалар, 
4.2 - алвеоляр макрофаги, 5 - қон 
томирлар.
Алвеола йўллари ва алвеола қопчалари деворида алвеолалар 
жойлашади. Вояга етган одамнинг ўпкасида уларнинг сони жами 300-400 
млн га етади.
Алвеола ичи бўш пуфакчани эслатади ва вояга етган одамда унинг 
диаметри 0,25 мм дан ошмайди. Алъвеолаларнинг умумий сатҳи нафас 
олганда 100-120 м
2
га тенг. Алвеолалар орасида капиллярларга бой юпқа 
бириктирувчи тўқима жойлашади. Алвеоляр йўллар ва қопчалар деворидаги 
алвеолалар атрофидаги бирикитирувчи тўқимада айрим силлиқ мушак 
ҳужайралари жойлашади. Алвеолалар ўзаро диаметри 10- 15 мкм келадиган 
алвеоляр 
тешикчалар
билан алоқа қилади.
Алвеолаларнинг ички юзаси базал мембранада ѐтувчи бир қаватли 
алвеоляр эпителий билан қопланган. Базал мембранага ташқи томондан 

---

596 
алвеолалараро тўсиқларда ѐтувчи қон капиллярлари тегиб ѐтади. Алвеолалар 
бир-бирига зич тегиб ѐтгани учун улар орасидаги қон капиллярлари бир 
тарафдан бир алвеолага, иккинчи томондан бошқа алвеолага тегиб ѐтади. 
Капиллярларнинг диаметри 5 мкм гача бўлгани учун бу эрда қон секин оқади 
ва эритроцитлар чўзилиб, бир қатор бўлиб жойлашади. Бу ҳолат 
капиллярларда оқаѐтган қон билан алвеола бўшлиғидаги ҳаво ўртасида газ 
алмашиниши учун оптимал шароит яратиб беради. 
Алвеола эпителий ҳужайралари орасида респиратор I тип, секретор II 
тип ва улардан ташқари ҳайвонларда III тип пневмоцитлар (алвеолоцитлар) 
тафовут этилади (расм 14.11).