Цитология эмбриология проф. Қ. Р. Тўхтаев таҳрири остида

Гуморалиммун жавоб реакциясида
макрофаглар (антиген тақдим 
этувчилар), Т-ҳелперлар ва Б-лимфоцитлар иштирок этади. Организмга 
тушган антигенни макрофаглар парчалаб, алоҳида бўлакларга ажратади. 
Антиген эпитоплари ѐки детерминантлари II синф БГК молекулалари билан 
биргаликда комплекс шаклида Т-ҳелперларга узатилади ва унинг 
рецепторлари томонидан ―таниб олинади‖. Антиген + II синф БГК 
молекулалари комплексининг Т-ҳелперлар томонидан таниб олиниши 
макрофаглардан интерлейкин1 (ИЛ1) секреция қилинишига олиб келади. 
Бунга жавобан Т-ҳелперлар фаол равишда интерлейкин 2 (ИЛ2) ишлаб 
чиқаради. ИЛ 2 Т-ҳелперларнинг пролиферациясини (бўлиниб, кўпайишини) 
кучайтиради, яъни ҳужайра ўзини ўзи стимуллайди. Т-ҳелперларнинг 
кўпайиши иммун жавобнинг оптимал даражада кечиши учун муҳим 
ҳисобланади. 
Б-лимфоцитларнинг 
фаоллашуви 
антигеннинг 
Б-
лимфоцитлардаги иммуноглобулин рецепторлари билан боғланиши туфайли 
амалга ошади. Б лимфоцитлар ҳам антигенни қайта ишлаб, антиген + II синф 
БГК молекулалари комплекси шаклида ҳужайра юзасига чиқаради. Бунга 

---

577 
жавобан Т-хелперлар бир гуруҳ интерлейкинлар 
(
ИЛ-2, ИЛ-4, ИЛ-5, ИЛ-6) 
ва гамма-интерферон ишлаб чиқаради. Интерлейкинлар таъсирида Б 
лимфоцитлар бўлиниб кўпаяди ва дифференциаллашади. Уларнинг кўп 
қисми айнан шу антиген учун антитаналар ишлаб чиқаришга 
дастурлаштирилган Б лимфоцитлар клонларини ҳосил қилади.Улар ўз 
навбатида плазмобластларга, проплазмоцитларга ва етук плазматик 
ҳужайраларга айланиб, шу антигенга нисбатан антитаналар ишлаб чиқаради. 
Б лимфоцитларнинг маълум бир қисми эса айнан шу антиген ва унга 
қарши специфик антителолар ишлаб чиқиш ҳақидаги маълумотларни 
ўзида сақловчи ―
хотирали
‖ Б лимфоцитларга айланади. Интерферон 
макрофагларга таъсир қилиб, уларнинг фагоцитар ва антиген тақдим 
қилиш фаолиятларини кучайтиради. Т- супрессорлар Б лимфоцитлардан 
плазматик ҳужайралар ҳосил бўлиши ва уларнинг иммуноглобулинлар 
ишлаб чиқариш жараѐнларини пасайтиради. Шу билан улар организмнинг 
иммун толерантлигини, яъни баъзи антигенларга нисбатан сезгирлиги 
пасайишини таъминлайди. Супрессор вазифасини баъзи Б лимфоцитлар 
ҳам бажариб, уларни Б-супрессорлар деб юритилади.