Цитология эмбриология проф. Қ. Р. Тўхтаев таҳрири остида

комплемент
ҳам иштирок этади. Комплемент 
бу жараѐнда кескин активлашиб, баъзи микроорганизмларнинг антитаналар 
томонидан эритиб юборилишини таъминлайди. Шунингдек, комплемент 
оқсилларидан 
опсонинлар 
деб номланган биологик фаол моддалар ҳосил 
бўлиб, улар микробларга ѐпишиб, фагоцитоз жараѐнини енгиллаштиради.
Иммунитет тўғрисида бир қанча назариялар мавжуд бўлиб, улардан 
ҳозирги пайтда энг кенг тарқалгани Ф.Бернетнинг «клонал-селекцион» 
назариясидир. Бу назарияга биноан организмда лимфоцитларнинг кўп 
миқдордаги гуруҳлари, яъни клонлари мавжуддир. Ҳар бир клонга мансуб 
лимфоцитлар генетик жиҳатдан бир хил бўлиб, маълум бир ѐки бир неча 
антигенга нисбатан жавоб реакциясини бериш қобилиятига эгадир. Шу 
туфайли бирон-бир аниқ антиген лимфоцитларнинг фақатгина шу антигенга 

---

567 
мос келадиган клонигагина таъсир кўрсатади ва уларнинг кўпайишига ҳамда 
активлашишига олиб келади. 
Антигенларни емириш ва зарарсизлантириш услубига қараб 
иммунитетнинг икки хили ажратилади: 
1. Гуморал иммунитет – бунда антигенларнинг антитаналар ѐрдамида 
зарарсизлантирилиши асосий ўрин тутади. Бу иммунитетнинг ишчи 
(эффектор) ҳужайралари бўлиб антитело ишлаб чиқарувчи плазматик 
ҳужайралар ѐки плазмоцитлар ҳисобланади. Плазмоцитлар ўз навбатида Б-
лимфоцитлардан ҳосил бўлади. Бу жараѐнда Т- лимфоцитлар ва микромуҳит 
ҳужайралари ҳам фаол қатнашади. 
2. Ҳужайравий иммунитет – бунда антигенлар (асосан, ѐт ҳужайралар 
ва организмнинг ўзида ҳосил бўладиган, генетик мутацияга учраган ўсма 
ҳужайралар) махсус қотил (киллер – қотил) ҳужайралар томонидан 
ўлдирилади ва емирилади. Бу иммунитет жараѐнида эффектор ҳужайралар 
бўлиб, Т- лимфоцитларнинг бир тури бўлган Т-киллерлар ва махсус «табиий 
киллерлар» (NK-ҳужайралар) ҳисобланади. Бу ҳужайраларни бошқача қилиб 
цитотоксик таъсир кўрсатувчи ҳужайралар 
деб ҳам аташ мумкин (cytos – 
ҳужайра, toxin – заҳар, яъни ҳужайрани заҳарловчи деган маънони 
англатади). 
Организмга антиген биринчи марта тушганда (бирламчи жавоб 
реакцияси) шу антиген учун жавобгар лимфоцитлар клонига тегишли 
ҳужайралар активлашиб, бласт ҳужайраларга айланади. у бластлар митоз 
йўли билан кўпаяди ва дифференциаллашади. Натижада, антигенни «таниб 
олиш» қобилиятига эга бўлган лимфоцитлар миқдори кескин ошади. Бу 
лимфоцитлар шаклланиши давомида икки хил ҳужайралар ҳосил бўлади. 
Уларнинг бир тури эффектор ѐки ишчи лимфоцитлар бўлса, иккинчиси эса 
антиген тўғрисидаги маълумотни «эслаб қолувчи» ѐки «хотирали»
лимфоцитлардир. Антигенга қарши антитаналар ишлаб чиқарувчи 
плазмоцитлар ҳамда цитотоксик таъсир кўрсатувчи активлашган ҳужайралар 

---

568 
эффектор ҳужайралар бўлиб хизмат қилади. Антиген организмга қайта 
тушганда (иккиламчи жавоб реакцияси) «хотирали» лимфоцитлар олдиндан 
«таниш» бўлган антигенга нисбатан дарҳол жавоб реакцияси содир 
бўлишини таъминлайди.