Цитология эмбриология проф. Қ. Р. Тўхтаев таҳрири остида

Кўз ѐши аппарати.
У кўз ѐши бези ва кўз ѐшини олиб кетувчи 
йўллардан – ѐш гўштчаси (этчаси), кўз ѐши йўли, кўз ѐши қопчаси ва кўз 
ѐши-бурун (кўз-бурун ѐш) каналидан ташкил топган. 
Кўз ѐши бези кўз косасининг кўз ѐши чуқурчасида жойлашган ва у 
бир неча гуруҳ мураккаб альвеоляр-найсимон безлардан ташкил топган. 6-
12 та чиқарув йўллари безни юқори конъюнктива гумбази билан боғлайди. 
Гумбазлар – қовоқлар ва кўз олмаси ўртасидаги конъюнктива билан 
қопланган чуқурчадир. Ёш безининг охирги бўлимлари сероз типдаги 
устунчасимон ҳужайралардан тузилган бўлиб, қулоқ олди сўлак бези 
ацинусларининг ҳужайраларига ўхшаб кетади. Ушбу ҳужайралар оч бўялган 
секрет доначалари тутади ва атрофдаги бириктирувчи тўқимадан базал 
пластинка билан ажралиб туради.Кўз ѐши безларининг секретида 1,5 % 
атрофида натрий хлориди (NaCl), оз миқдорда (0,5 %) альбумин ва шиллиқ 
бор. Кўз ѐши кўзнинг мугуз пардасини намлаб туради ва тозалайди. У 
мунтазам юқори конъюнктива гумбазига ажралади, у ердан қовоқлар 
ҳаракати туфайли мугуз пардага, кўз ѐриғининг медиал бурчагига ўтади, бу 
ерда кўз ѐши кўлчаси ҳосил бўлади. Шу ерда юқори ва пастки кўз ѐши 
йўллари тешиклари кўз ѐши қопчасига очилади. Кўз ѐши қопчаси кўз ѐши-
бурун каналига давом этади ва у пастки бурун йўлига қуйилади. Кўз ѐши 
қопчасининг ва кўз ѐши-бурун каналининг девори икки ва кўп қаторли 
эпителий билан қопланган.
Кўз ѐши безининг секретор бўлимларини ташқи томондан яхши 
тараққий этган миоэпителиал ҳужайралар ўраб туради. Безнинг секрети (кўз 
ѐши) мугуз парда, кўз олмаси конъюнктиваси ва қовоқлар бўйлаб ѐйилиб 
оқади, уларни юзаларини ҳўллаб туради. Сўнгра кўз ѐши нуқталари орқали 
кўз ѐши йўлларига оқиб келади. Кўз ѐши нуқталари юқори ва пастки 
қовоқларнинг медиал юзаси қирғоқларидаги диаметри 0,5 мм атрофида 
бўлган думалоқ нуқтасимон тешиклардир. Кўз ѐши йўлларининг диаметри 1 

---

456 
мм, узунлиги эса 8 мм атрофида бўлиб, бевосита кўз ѐши қопига ўтишдан 
олдин улар бирлашади ва умумий найни ҳосил қилади. Улар қалин кўп 
қаватли ясси эпителий билан қопланган. Нормада баъзан учрайдиган 
умумий найнинг дивертикуллари тез-тез инфекциялар юқишига мойил 
бўлади. Кўз ѐши суюқлиги бактериоцид фермент – лизоцимга бой бўлади, у 
айрим бактериялар деворини гидролизга учратиб, уларнинг емирилишига 
олиб келади. 
Ёш ўтган сари кўзнинг барча аппаратларини фаолияти сусайиб 
боради. Организмдаги умумий модда алмашинувининг ўзгариши туфайли, 
кўпинча мугуз пардада ва гавҳарда ҳужайралараро модда зичлашади ва 
хиралашади. Улар амалда орқага қайтмас жараѐнлардир. Кекса одамларда 
мугуз парда ва склерада липидлар тўпланади, бу уларни хираланишига олиб 
келади. Кўз гавҳарининг эластиклиги йўқолади ва унинг мослашиш 
(аккомодация) имкониятлари пасаяди. Кўзнинг қон томирларида рўй берган 
склеротик жараѐнлар тўқималарни, айниқса тўр парданинг, трофикасини 
(озиқланишини) бузади, бу ўз навбатида, рецептор аппаратнинг структураси 
ва функциясини ўзгаришига олиб келади.