Chiqindilarni boshqarish

10-modda. "Sanoatkontexnazorat" agentligining chiqindi bilan bog‘liq ishlarni amalga oshirish sohasidagi vakolatlari

"Sanoatkontexnazorat" agentligi:
konchilik va qayta ishlash sohasidagi ishlab chiqarish chiqindilarini hisobga
olish, saqlash va utilizatsiya qilish ustidan davlat nazorati va tekshiruvini; radioaktiv chiqindilarni saqlash, tashish, utilizatsiya qilish va ko‘mib tashlash
paytida radiatsiyaviy xavfsizlik ustidan davlat nazoratini; qonun hujjatlariga muvofiq boshqa vakolatlarni amalga oshiradi.

11-modda. Mahalliy davlat hokimiyati tashkilotlarining chiqindi bilan bog‘liq ishlarni amalga oshirish sohasidagi vakolatlari

Mahalliy davlathokimiyati tashkilotlari: chiqindi bilan bog‘liq ishlarni amalga oshirishga oid umumdavlat dasturlarini
bajarishda ishtirok etadilar; chiqindi bilan bog‘liq ishlarni amalga oshirishga oid mahalliy dasturlarni
tasdiqlaydilar; chiqindi bilan bog‘liq ishlarni amalga oshirish sohasida tadbirkorlik
faoliyatini rivojlantirish uchun sharoit yaratib beradilar; chiqindi bilan bog‘liq ishlarni amalga oshirish ob'ektlarini tegishli hududga
joylashtirish masalalarini hal etadilar;
chiqindi bilan bog‘liq ishlarni amalga oshirish to‘g‘risidagi qonun hujjatlariga
rioya etilishi ustidan nazorat qiladilar; chiqindilarni to‘plash va utilizatsiya qilish korxonalari tashkil etilishiga
ko‘maklashadilar; qonun hujjatlariga muvofiq boshqa vakolatlarni amalga oshiradilar.

12-modda. Fuqarolar o‘zini o‘zi boshqarish tashkilotlarining chiqindi bilan bog‘liq ishlarni amalga oshirish sohasidagi vakolatlari

Fuqarolarning o‘zini o‘zi boshqarish tashkilotlari:
chiqindi bilan bog‘liq ishlarni amalga oshirish ob'ektlarini tegishli hududda
joylashtirish masalalarini hal qilishda ishtirok etadilar; aholi punktlari sanitariya jihatidan tozalanishiga hamda maishiy-ro‘zg‘or chiqindilari to‘plab olib ketilganligi uchun to‘lovlar vaqtida to‘lanishiga ko‘maklashadilar; chiqindi bilan bog‘liq ishlarni amalga oshirish ob'ektlarining sanitariya va
ekologik holati ustidan jamoat nazoratini amalga oshiradilar; qonun hujjatlariga muvofiq boshqa vakolatlarni amalga oshiradilar.