Chemok: tongmul

Vatan va ona mavzui doimo adabiyotda yetakchi rol oʻynaydi. Koreys adabiyotining yetuk namoyondasi Lyu Rin Sok hamda Oʻzbek adabiyotining buyuk dargʻasi Choʻlpon ham haqiqiy ijodkor sifatida ona vatanini bosqinchilardan xalos etish yoʻlida jon kuydirishdi. Har ikki shoirga “Erk va ozodlik kuychisi” ta’rifi birdek mos keladi.

Har ikki harakatni qiyosiy tahlil qiladigan boʻlsak, koʻplab oʻxshashliklarga, zamon va makon mutanosibligiga, maqsadlar mushtarakligiga guvoh boʻlamiz: a) har ikki davlat bir mintaqaga mansub; osiyo davlatlari tarkibiga kiradi; b) tarix mutanosibligi: uch qirollik va uch xonlik boshqaruvi; c) har ikki davlat mustamlakachilik siyosati domiga tushgan; d) va bu aynan XX asrga toʻg‘ri keladi; e) mustamlachilik siyosatini olib borayotgan davlatlar avvalo, har ikki davlatning ma’naviyatidan, madaniyatidan, tili va dini, milliy ruhidan judo qilishni maqsad qilishgan: mamlakatimizni ruslashtirish siyosati, koreyani yaponcha g‘arblashtirish;

f) erk va ozodlik uchun kurashadigan guruh va tashkilotlarning paydo boʻlishi; g) va bunday harakatlarda old qatorlarda turganlarning koʻpchiligini ziyolilar tashkil etishi; h) shoir va yozuvchilar oʻz she’r va xitoblari, otashin shiorlari bilan xalqni ruhlantirishi; i) jaholatga qarshi ma’rifat bilan kurashgan shaxslarning qatag‘on qilinishi, chet elga quvg‘in qilinishi; j) talabalar, ilm-u oriflar qoʻzg‘oloni; k) davr siyosatining adabiyotga, she’riyatga, mavzular koʻlamiga ta’sir etishi; va hok.