Check karnay hain k send huay hain ya nahi Mubtilat roza

Shohar or biwi aik dosray ki sharamgaah ko monh(mouth) laga saktay hain,magar ye k sharamgaah say nikalnay wali ratoobat Halaq mian nah jaay.Albetta is ka koi kafarra nhi hai (Ref:Ayat Ullah Seestani(d.b), Istiftaat I-2,I-15)(Khuda aap ki tawfiqaat mein izafa farmaye)

Mubtilat /makroohat e roza

User Info.	ijaz ahmed farooqi - [e-mail] - Dubai - UAE
Question ID	14790
Question Date	Saturday, July 21, 2012
Mujtahid Name
Question	kiya rozy ki halat main nakhun(nail) katna jaiz hay na nahe iss say roza mukrooh to nahe hota hay

Jee nahi rozay ki halat mai nail katnay sai na hi roza batil hota hai aur na hi roza makrooh hota hai. (Ref: Ayatullah Sistani(d.b),Tauzee hul masail, maslah # 1553,1629) (Khuda aap ki tawfiqaat mein izafa farmaye)

User Info.	abdullah mirza - [e-mail] - attock - pakistan
Question ID	16407
Question Date	Wednesday, September 12, 2012
Mujtahid Name	seestani sab
Question	mera maslak shia hai aur ma syed family sa hoon namaz sunny tarz per perta hoon maray 3 bachay hain aur mery wife meray tamam haqooq pooray kerti hai mujay is k bawjood irani syed girl say shaadi ki khaish hai jab k meri wife is baat ki sakht khilaf hai mujay jawab zaroo dain ap ki boht mehrabani hogi.

1)Aik sai ziada shadi krna riwiyat ki roshni mai mustahabb hai aur pehli biwi sai ijazat lena zaroori nhi hai. (Ref : Mujtahid se pochay gaey sawalaat, part # 3, sawaal # 105,pg # 53)

2)Sunni tareeqay sai namaz parhna sahi nahi hai. (Ref: Ayatullah Sistani(d.b),Tauzee hul masail, maslah # 1113)(Khuda aap ki tawfiqaat mein izafa farmaye).

Muta

User Info.	Kazim - [e-mail] - Kinshasa - Congo
Question ID	17854
Question Date	Thursday, October 18, 2012
Mujtahid Name	Ayatullah Sestani
Question	Asalam o Alaikum. Mera sawaal hai kay kia aik balig ghair shadi shuda larka kisi ghair shadi shuda larki se mutah kar sakta hai? aur agar wo larki shadi shuda ho tw us k liye kia hukum hai? Kindly Reply. Thanks

1)Kunwari(virgin) lerki os waqt tak nikah(daimi / mutah) nahi ker sakti jab tak k lerki ka Baap ya Dada lerki ko nikah ki ijazat nah day day.or yehi hokum ehtiyaat e wajib ki bina(base) per os sorat main bhi hay k jab larki khud mukhtar or balig bhi ho. agar lerki kawari nah ho tu os k liay baap ya dada ki ijazat ki zororat nahi hay.(yahaan kawari nah honay say muraad sirif ye hay k aisi lerki jo talaaq yaafta ho ya baywah ho or oskay shohar nay oskay saath hambistari /jima(intercourse) kia ho or os kay kawaray pan ko khatam kia ho or oski iddat bhi khatam ho chuki ho. agar zina ya aisay hi kisi kaam say oska kawarapan khatam hoa ho tu ye kawari hi kehlaay gi. isi terah agar baap ya dada os merd k sath osay shadi kernay ki ijzat nah daitay hon jo sharan(Islam ki nazar main) or urfan(mea’ashay ki nazar main) os k brabri(equal) ka ho tu ijazat ki zarorat nahi, isi terah baap ya dada maujood nah hon ya kisi doosri wajah say ijazat laina mumkin hi nah ho or lerki ka nikah kerna bohat zarori ho tab hi baap ya dada say ijazat laina lazmi nahi hay. (Ref:Ayat Ullah Seestani(d.b), Tauzee hul masail, maslah # 2341,2342)

2)Shadi shuda aurat sai shadi krna haram hai, chahae daimi ho ya mutah ho. (Ref: Ayatullah Sistani(d.b),Tauzee hul masail, maslah # 2366)

3)Mard ka aik sai ziada shadi(daimi / mutah)krna riwayat ki roshni mai mustahabb hai aur pehli biwi sai ijazat lena zaroori nhi hai. (Ref : Mujtahid se pochay gaey sawalaat, part # 3, sawaal # 105,pg # 53) (Khuda aap ki tawfiqaat mein izafa farmaye).

Muslman mardoo ka ahl e kitab(yahoodi aur christian) auratoo sai mutah krnay mai koi haraj nhi hai. albetta kafir auratoo sai mutah nhi ho sakta hai. (Ref: Ayatullah Sistani(d.b),Tauzee hul masail, maslah # 2362)(Khuda aap ki tawfiqaat mein izafa farmaye).

Mutah

User Info.	M.Sohail - [e-mail] - Kinshasa - Congo
Question ID	17935
Question Date	Thursday, October 18, 2012
Mujtahid Name	Ayatullah Seestani
Question	Asalam o Alaikum, Agah sahab mera sawal hai k kia aik un married larka(BOY) jo k balig hai.. kia wo muslim unmarried (virgin) larki (girl) se mutah kar sakta hai.. please reply.. w.salaam.

Kunwari(virgin) lerki os waqt tak nikah(daimi / mutah) nahi ker sakti jab tak k lerki ka Baap ya Dada lerki ko nikah ki ijazat nah day day.(Ref:Ayat Ullah Seestani(d.b), Tauzee hul masail, maslah # 2341)(Khuda aap ki tawfiqaat mein izafa farmaye).

Ahkam e nikah

User Info.	irfan - [e-mail] - delhi - india
Question ID	17878
Question Date	Thursday, October 18, 2012
Mujtahid Name	sunni
Question	assalamu alekum mera sawal he kya apni sagi bhatiji se nikah hosakta he

Note : Is website per fiqha e jaffaria k mutabiq jawabaat diay jatay hain.

Agar sagi bhetaji sai aap ki murad aap k bhai ki bahan hai to q k wo aap ki mehram hai is lie nikah haram hai. (Ref: Ayatullah Sistani(d.b),Tauzee hul masail, maslah # 2349)(Khuda aap ki tawfiqaat mein izafa farmaye).

ok

Mubtilaat e roza

User Info.	Adnan - [e-mail] - Lahore - Pakistan
Question ID	14788
Question Date	Saturday, July 21, 2012
Mujtahid Name
Question	Rozay ki hallat mien mian bivi k taluqat ki kis had tk ajazat hai.

1)Rozay ki halat main mani nikalnay k qasad k bagair insaan ka apni biwi ka bosa lena ya koi shawat angais kaam karna makrooh he.

2)Agar rozay dar mani nikalnay k iraday k bagair misaal k taur per apni biwi se cheerh chaar ya hansi mazaq karay aur ose itminaan ho k mani kharij nahi ho gi to agarchah mani kharij ho jay is ka roza sahi he. albatta agar ose etminaan na ho to is surat me jab mani kharij ho gi to is ka roza batil ho jay ga.

3)Aur agar mani nikalnay k iraday se cheerh chaar ya dil lagi karay laikin is ki mani na niklay to agar dubara rozay ki niyat na karay to is ka roza batil he aur agar dubara rozay ki niyat kar lay to ehtiyaat e lazim ki bina per zaroori he k rozay ko tamaam karay aur is ki qaza bhi baja laye.

4)Jima (intercourse) rozay ko batil kar deta hai. (Ref : Tauzeeh e ul masayl Ayat Ullaha Sistani (d.b.) Masla # 1629, 1565-1576, 1565) (Khuda aap ki tawfiqaat mein izafa farmaye)  

janabat

User Info.	aqeela - [e-mail] - karachi - pakistan
Question ID	14791
Question Date	Saturday, July 21, 2012
Mujtahid Name	aqa-e-sistani
Question	Salam..mera sawal ye haii k mere jism se hameshaa mani khareej hote rehtee haii...is k liye mujhe per ghusal wajib hai ya nhi..? jab k mani k nikalne ka koi time nhi haii..or kabhi kabar mani kharij hone k bare mein pata nhi chalta k kis waqt kharij howee..to mujhe per is k liyee kiya huqam haii...

Wo ratubat jo aurat say shehwat k saath Khaarij hoti hay Agar is Hadd tak ho kay usay Inzaal Kaha ja sakay aur libaas ko aalooda kar day , jo aam tor par us waqt nikalti hay jab aurat jinsi shehwat ki Intihaa tak pohunch jaey to ye Najis bhi hay aur is aurat ko Mujnib shumaar kiya jaey ga aur us par ghusl e janabat bhi wajib hoga. (Ref : Tauzeeh e ul masayl Ayat Ullaha Sistani (d.b.) Masla # 345) Note: Likoria (safeed yellow color ki ratubat) mani nahi hay. Ye paak hay or is k aanay se ghusl bhi wajib nahi hota. Aur namaz aur doosri ibadaat bhi kar saktay hain. (Khuda aap ki tawfiqaat mein izafa farmaye)  

User Info.	sameer - [e-mail] - mumbai - india
Question ID	14965
Question Date	Sunday, July 29, 2012
Mujtahid Name	taqleed
Question	assalam alaikum ramzan me biwi ke sath kya mubashrat karne se roza toot jata hai ya bat karne se jo mizi yani jo pani ata hai us se roza toot jata hai ya nahi

1)Rozay ki halat main mani nikalnay k qasad k bagair insaan ka apni biwi ka bosa lena ya koi shawat angais kaam karna makrooh he.

2)Agar rozay dar mani nikalnay k iraday k bagair misaal k taur per apni biwi se cheerh chaar ya hansi mazaq karay aur ose itminaan ho k mani kharij nahi ho gi to agarchah mani kharij ho jay is ka roza sahi he. albatta agar ose etminaan na ho to is surat me jab mani kharij ho gi to is ka roza batil ho jay ga.

3)Aur agar mani nikalnay k iraday se cheerh chaar ya dil lagi karay laikin is ki mani na niklay to agar dubara rozay ki niyat na karay to is ka roza batil he aur agar dubara rozay ki niyat kar lay to ehtiyaat e lazim ki bina per zaroori he k rozay ko tamaam karay aur is ki qaza bhi baja laye.

4)Jima (intercourse) rozay ko batil kar deta hai. (Ref : Tauzeeh e ul masayl Ayat Ullaha Sistani (d.b.) Masla # 1629, 1565-1576, 1565) (Khuda aap ki tawfiqaat mein izafa farmaye)  

User Info.	zeshan kashif - [e-mail] - islamabad - pakistan
Question ID	14977
Question Date	Sunday, July 29, 2012
Mujtahid Name	janabat kay ghusal kay faraiz
Question	asalam.o.alikum mera ap sy sawal hai k ramzan mei agar mei biwi sy janabat karta hon aur ghusal nai karta bs wazu kar k roza rakh leta hon aur subha naha nai pata tau kia mera roza ho ga ya makroh ho ga plz answer me shukriya

Jo shakhs ramzan ki raat mai junub ho jae to zaroori hai k fajar k waqt sai pehlay ghusl karay. Agar Junub shakhs ramzan me jan booj kar azan e subah tak ghusl na karay ya jis shakhs ka fariza tayammum ho wo jan booj kar tayammum nah karay to zarori he k us din ka roza pura karay aur phir aik din aur roza rakhey aur q k ye tay nahi he k ye dosra roza qaza he ya saza , lehaza ramzan k is din ka roza bhi ma,fiz zimma ki niyat se rakhe aur ramzan k bad bhi jis din roza rakhe is me qaza ki niyat na karay. (Ref: Ayatullah Sistani(d.b),Tauzee hul masail, maslah # 1591) (Khuda aap ki tawfiqaat mein izafa farmaye)

User Info.	urooj - [e-mail] - pakistan - karachi
Question ID	14966
Question Date	Sunday, July 29, 2012
Mujtahid Name
Question	rozay me mehandi, oil,or cosmatic use krsakty han?

Jee han ye tamaam cheezain istemal kar saktay hain. (Ref : Tauzeeh e ul masayl Ayat Ullaha Sistani (d.b.) Masla # 1553)(Khuda aap ki tawfiqaat mein izafa farmaye).

User Info.	jawad - [e-mail] - dg khan - pakistan
Question ID	14967
Question Date	Sunday, July 29, 2012
Mujtahid Name	sunni dewbandi
Question	kia khud ba khud vomit any se se roza toot jata ha

Note : Is website per fiqhae jaffaria k mutabiq jawabaat diay jatay hein.

Agar sehwan ya be-ikhtiar vomit ho jae to is sai roza batil nahi hota hai. (Ref : Tauzeeh e ul masayl Ayat Ullaha Sistani (d.b.) Masla # 1618)(Khuda aap ki tawfiqaat mein izafa farmaye).

User Info.	ahmad - [e-mail] - rawalpindi - pakistan
Question ID	14964
Question Date	Sunday, July 29, 2012
Mujtahid Name
Question	kiya ramzan mein bwivi se sohbat kar sakten hain ya nehi

jima(intercourse) karnay se roza batil hojata hai. (Ref : Tauzeeh e ul masayl Ayat Ullaha Sistani (d.b.) Masla # 1565) )(Khuda aap ki tawfiqaat mein izafa farmaye).

Roza k mubtilaat

User Info.	fahad ehsani - [e-mail] - muzaffarpur - india
Question ID	14962
Question Date	Saturday, July 28, 2012
Mujtahid Name	ahle hadees
Question	kya mazi nakalne se aadmi napak hojata hai aur gusul wajib hojata hai kya isse raza par koi fark padta hai

1)Mazi kharij hone se roza batil nahe hota hai. (Ref : Mujthid se poushey gye sawalat roza ques # 40 pg # 33) (Khuda aap ki tawfiqaat mein izafa farmaye)

2) mazi pak hai. (Ref : Tauzeeh e ul masayl Ayat Ullaha Sistani (d.b.) Masla # 70)(Khuda aap ki tawfiqaat mein izafa farmaye).

Ahkam e roza

User Info.	parvez shaikh - [e-mail] - mumbai - india
Question ID	14957
Question Date	Saturday, July 28, 2012
Mujtahid Name
Question	Ramza main hambestri ka baad gusal subah kab tak kry.

Ramzan mai roza rakhnay k lie waqt namaz fajar se phele ghusl janabat karna zaroori hai. (Ref : Tauzeeh e ul masayl Ayat Ullaha Sistani (d.b.) Masla #1591)(Khuda aap ki tawfiqaat mein izafa farmaye).

haiz

User Info.	zeeshan - [e-mail] - dammam - saudia arabia
Question ID	14954
Question Date	Saturday, July 28, 2012
Mujtahid Name
Question	kiya agar kise larki ko menses ho tu woh raza rakh sakti ha ya nahe detail ma batae

1)Din me (roze ki halat me ) haiz (menses) ka khoon ajaay to agarche ye khoon maghrib k kareeb hi q na aaye is ka roza batil hai.

2)Is halat me wo roza nahe rakh sakte hai.

3)Ramzan k wo rozay jo kisi aurat nai haiz ki wajah sai na rakhay hoon zaroori hai k un ki qaza karay . (Ref : Tauzeeh e ul masayl Ayat Ullaha Sistani (d.b.) Masla #1612, 448, 459 ) (Khuda aap ki tawfiqaat mein izafa farmaye).

Mubtilaat e roza

User Info.	kashif - [e-mail] - lahore - pkistan
Question ID	14952
Question Date	Saturday, July 28, 2012
Mujtahid Name	muslman
Question	sir iam kashif mera ap se sawal ye hai k apni bivfi se roze ki halat mein sex karna matlab k andar dahil na ho sirf upar hi touch karne se roza toot jaye ga or kya roze ki halat mein aisa karna jaiz hai

Jima rozay ko batil kar deta hai chahae peshab ki nail supari tak hi dhakil ho aur mani bhi kharij na ho. Lakin srif touch karnay sai roza batil nahi ho ga . aur agar mani kharij ho jay to roza batil ho jae ga. (Ref: Ayatullah Sistani(d.b),Tauzee hul masail, maslah # 1565-67) (Khuda aap ki tawfiqaat mein izafa farmaye)